Сабин (хан)
Сабин, или Савин, ― хан на Бугарија од 765 до 766 година.
| Сабин | |
|---|---|
| Хан на Бугарија | |
| На престол | 765–766 |
| Претходник | Телец |
| Наследник | Умор |
Некои изучитело мислат дека Сабин бил изоставен од делото „Именик на бугарските ханови“ бидејќи бил Словен, но неговото име може да укаже на латинско, па дури и иранско потекло. Тој бил во посватен преку брак со Кормисош кој бил или свекор или девер на Сабин. Бидејќи врската е преку брак, Сабин всушност не би припаѓал на кланот Вокил (познат и како Укил).
Сабин се искачил на престолот по убиството на Телец во 765 година и го претставувал оној дел од бугарското благородништво, кој барало политика за смирување со Римската Империја. Соодветно на тоа, тој брзо испратил тајни емисари кај императорот Константин V Копроним, кој неодамна го победил претходникот на Сабин, Телец, во обид повторно да воспостави мир. Кога преговорите биле откриени, Бугарите се побуниле и одржале собрание, во кое го обвиниле Сабин дека предизвикал поробување на Бугарија од Римјаните.
Опуштен од неговите поддржувачи, Сабин избегал во римска Месембрија (Несебар) во 766 година, од каде што отишол во Константинопол. Таму бил примен од императорот, кој се договорил за пренесување на семејството на Сабин од Бугарија. Во 768 година, Сабин присуствувал на преговорите на Константин V со новиот бугарски владетел, Паган, но зборовите на императорот во име на поранешниот владетел оставиле мал впечаток. Сабин го поминал остатокот од својот живот во егзил.
’Ртот Сабин во Антарктик е именуван по Сабин.
Наводи
уреди- Моско Москов, Именник на българските ханове (ново тълкуване), Софија 1988 година.
- Јордан Андреев, Иван Лазаров, Пламен Павлов, Кой кой е в средновековна България, Софија 1999 година.
- (примарен извор), Бахши Иман, Džagfar Tarihy, том. III, Оренбург 1997 година.
| Претходник Телец |
Хан на Бугарија 765–766 |
Наследник Умор |