Резовска Река

Резовска Река, Резова Река, Резваја (бугарски: Резовска река, Резова река, Резвая) или Мутлудере турски: Mutludere) — река на крајниот југоисток на Бугарија и најсеверниот дел на (европска) Турција. Тече низ бугарскиот природен парк „Странџа“.

Резовска Река
Местоположба
Физички особености
Устие	Црно Море, бугарско-турска граница 41°58′59″N 28°1′46″E
Должина	112 км
Особености на сливот

Изворот и утоката на Резовска Река

Реката е долга 112 км и извира на турската страна на масивот Странџа под името „Паспалдереси“ (Paspalderesi). Тече на исток, го одминува селото Паспалово и доаѓа меѓу двете земи, исцртувајќи ја државната граница сè до вливот во Црното Море кај селото Резово, Општина Царево. Ова е најјужната точка на бугарскиот црноморски брег и најсеверната точка на турска страна, како и најјугоисточната точка на Бугарија. Долга е 112 км, и по речиси целото течение ја исцртува границата меѓу Бугарија и Турција и најсеверната на Источна Тракија. Сливното подрачје на Резовска Река опфаќа 738 км², од кои 555 км² ѝ припаѓаат на Турција. Најдолга притока е Велика.

Спор

Границата кај устието на реката била предмет на помал територијален спор помеѓу двете земји кој е разрешен во 1992 г. (ратификуван од Бугарија во 1998 г.). Согласно постигнатата спогодба, Бугарија добила неколку квадратни километри земја на Резовскиот Залив, а за возврат на Турција ѝ припаднала извесна водна површина во континенталниот праг.

Поврзано

• Бугарски црноморски брег
• Список на реки во Бугарија

Галерија

• 
  Границата на вливот
• 
  Поглед на турската страна
• 
  Друг поглед на границата пред уредувањето на турскиот дел