Разбој (музички албум)

Разбој - музички албум на македонскиот етно-музичар Драган Даутовски, објавен во 2008 година од издавачката куќа „DDQ“.

Содржина

Албумот содржи 14 песни:

1. Велигденско
2. Доце, Доце
3. Маце, Мацке
4. Драчевско женско оро
5. Дафино моме
6. Невестинско
7. Кучка Лилјана
8. Кумановка
9. Сплет
10. Море расти, расти
11. Гајдарско
12. Ситна лиса
13. Забеала калеш овца
14. Јасна месечина

За албумот

На албумот настапуваат: Драган Даутовски (тамбура, бас-тамбура и гајда), Ратко Даутовски (тапан), Бајса Арифовска (кавал, тамбура и гајда), Александра Поповска (вокал) и Марјан Јанковски (кавал и гајда). Драган Даутовски е извршен продуцент на албумот и аранжер на сите композиции; инженер на звукот е Братислав Зафировски, кој го направил и миксот, заедно со Драган Даутовски. Албумот е снимен во студиото „The Hidden Dragon“ во Скопје, во текот на 2006/2007 година. Дизајнот и ликовното уредување на албумот е дело на „New Moment New Ideas Company“.