Псевдонимите на ВМРО

Псевдонимите на ВМРО е книга со документи од архивата на Ангел Узунов, објавена во 2015 година од страна на Државен архив на Република Македонија.

Псевдонимите на ВМРО

Насловната корица
Автор	Ангел и Христо Узунови
Земја	Македонија
Јазик	македонски
Жанр	Документи
Издадена	2015
ISBN	978-608-4745-10-5

Содржина

Книгата е поделена на три поглавја:

1. Географски имиња
2. Личности
3. Други

Во книгата се содржани псевдонимите по азбучен ред, на градови, села, места и области, како и на личности од тоа време. Во предговорот се вели:

„Псевдонимите биле важен елемент на конспиративната техника на Македонската револуционерна организација. Членовите на Македонската револуционерна организација, работејќи во тајност, во своите преписки ги користеле измислените имиња на личности, а исто така и на држави, градови, села и др. Личностите, како правило, добивале или конспиративни имиња или псевдоними-прекари (псевдоними според некоја особина, потеклото, занаетот итн.). На пример, еден од псевдонимите на Ангел Узунов бил „Надеждин“: Тодор Александров го нарекувал Ќустендил - „Градот на надежта“, а Ангел Узунов извршувал должност на пунктов началник на ВМРО во Ќустендил.“

Примери (преземено од книгата) псевдоним - име:

• Вавилон - гр. Софија
• Бомбај - с. Баница, Леринско
• Алжир - гр. Лерин
• Дедо Ангел - гр. Охрид
• Али Чауш - Васил Данаилов
• Ариматејски - Дамјан Груев
• Атила - Никола Петров, охридски војвода од с. Русиново
• Ахил - Гоце Делчев
• Барон - Тасе Христов, охридски војвода
• Дедо Господ - Цветан Христов, с. Присовјани, охридски војвода

Надворешни врски

• Новинарски известувања за книгата