Прериско езеро

Прериско езеро ― врста на плитко езеро кое природно ќе се испразни за време на сушните сезони, дозволувајќи им на различни копнени растенија да цветаат врз богатите хранливи материи во изложеното езерско корито, а езерата на крајот повторно се полнат со вода враќајќи се во нивната претходна водна состојба.

Езерото Аимонија во својата „прериска фаза“ во северниот дел на Округот Леон, Флорида за време на сушата во 2007 година.

Во северна Флорида, езерото со рамни шуми/прерии е воглавно плитко слив во рамничарски предели со висока водена маса и често со дупки. Овие езера често имаат широка приморска зона; мирна вода или проток; песок или тресет супстрат; променлива хемија на водата, но карактеристично обоена до бистра, кисела до малку алкална, мека до умерено тврда вода со умерена содржина на минералите натриум, хлорид, сулфат; олиго-мезотрофна до еутрофична. Овие езера често се поврзуваат со водоносни слоеви.

Северна Флорида има четири големи прериски езера: Лафајетово Езеро, Џексоново Езеро, Ајмонија и Микозуки. За време на антибелумскиот период во Флорида, сопствениците на плантажи за памук ги користеле овие езера за пасење говеда, овци и други животни кога биле суви. Прериските езера постојат и во горниот среден запад на Соединетите Држави во Ајова, Монтана и Минесота во езерото Блек Раш, и езерото Шаокатан, плитко прериско езеро во западниот централен Округ Линколн. Геологијата може да биде различна од оние во Флорида.

Извори

• Инвентар на природни области на Флорида
• Пејсли, Клифтон; From Cotton To Quail (Од памук до потполошки), University of Florida Press, 1968 година.
• ЕПА студија
• Универзитетот во Минесота