Портрет на Адела Блох-Бауер II
Портрет на Адела Блох-Бауер II — слика на австрискиот сликар Густав Климт од 1912 година. Делото е портрет на Адела Блох-Бауер (1881–1925), членка на виенското високо општество, која му била и покровител и близок пријател на Климт.
| |
| Творец | Густав Климт |
|---|---|
| Година | 1912 |
| Димензии | 190 см × 120 см |
| Место | Приватна збирка |
Климт во 1907 година го завршил првиот портрет на Адела Блох-Бауер. За време на Втората светска војна, двата портрета биле меѓу уметничките дела украдени од нацистите од потомците на Блох-Бауер. По војната, Портретот на Адела Блох-Бауер II бил изложен во Австриската галерија Белведере до 2006 година, кога му бил вратен внукот на Адела Блох-Бауер.
Сопственост
уредиАдела Блох-Бауер била сопруга на Фердинанд Блох-Бауер,[1][2] богат индустријалец кој ја спонзорирал уметноста и го поддржувал Густав Климт. Адела Блох-Бауер била единствената личност чиј портрет Климт двапати го насликал. Нејзиниот прв и многу попознат портрет беше наречен Портрет на Адела Блох-Бауер I. Портретите биле изложени во семејната куќа пред да бидат запленети од нацистите за време на Втората светска војна.[3] Австрискиот музеј каде што се наоѓале портретите по војната не сакал да им ги врати на нивните вистински сопственици, така што следела судска битка во Соединетите Држави и Австрија, што резултирало во јануари 2006 година, двата портрети на Адела Блох-Бауер и три други слики на Густав Климт да ѝ бидат вратени на Марија Алтман, внука на Фердинанд Блох-Бауер.[4]
Во ноември 2006 година, аукциската куќа Кристи го продала на аукција Портретот на Адела Блох-Бауер II за речиси 88 милиони долари, што било четврто уметничко дело по цена во тоа време.[5] Купувач била Опра Винфри.[6]
Во есента 2014 година, Портретот на Адела Блох-Бауер II му бил даден на долгорочен заем на Музејот на модерна уметност во Њујорк.[7] Во текот на летото 2016 година, Опра Винфри го продала на неидентификуван кинески купувач за 150 милиони долари.[6] Сликата е привремено позајмена на Новата галерија во Њујорк за изложбата „Климт и жените од златното доба на Виена, 1900-1918 година“.[8]
Поврзано
уредиНаводи
уреди- ↑ „The mysterious muse of Gustav Klimt“. bbc.com. Посетено на 20 мај 2021.
- ↑ Born Ferdinand Bloch, the son of David Bloch (also known as Abraham Bloch), a banker and sugar factory owner, and his wife Marie, née Straschnow. Ferdinand married Adele Bauer, the daughter of Moritz Bauer (director of the Vienna bank Wiener Bankverein) and his wife Jeanette, née Honig.
- ↑ „Adele Bloch-Bauer II“. gustavklimt.net. Посетено на 20 мај 2021.
- ↑ „Six Klimt paintings – Maria Altmann and Austria“. plone.unige.ch. Посетено на 20 мај 2021.
- ↑ Christopher Michaud, "Christie's stages record art sale," Reuter's, November 9, 2006. Accessed November 9, 2006.
- ↑ 6,0 6,1 Katya Kazakina (8 February 2017), Oprah Said to Snag $150 Million Selling Klimt to Chinese Buyer bloomberg.com.
- ↑ „MoMA | Now in the Galleries: Gustav Klimt's Adele Bloch-Bauer II“.
- ↑ Benjamin Sutton (8 February 2017), Oprah Winfrey Sold Klimt Painting for $150M hyperallergic.com.
Литература
уреди- O'Connor, Anne-Marie (2012). The Lady in Gold, The Extraordinary Tale of Gustav Klimt's Masterpiece, Portrait of Adele Bloch-Bauer. New York: Alfred A. Knopf. ISBN 978-0-307-26564-7.