Пилотска јакна

Пилотска јакна или бомберка — горна облека, вид јакна создадена за пилотите на ВС на САД за време на Втората светска војна. Со текот на времето, од претежно воена опрема се префрлила на обична облека. Посебноста на пилотските јакни се еластичните ленти на краевите на ракавите и на појасот.

Јакна MA-1

Историја

Непосреден предок на современите пилотски јакни бил моделот на јакни МА-1, издаден во 1955 г. по посебна нарачка од Воздухопловните сили на САД, кој бил наречен „јакна за летање“ (англ. flight jacket) или „јакна за бомбардирање“ (англ. bomber jacket), бидејќи го носеле летачи на тешки бомбардери. Подоцна, краткото име „бомберка“ (англ. bomber) било доделено на јакните од овој крој. Во средината на 1950-тите, јакната добила карактеристична портокалова постава. Направена е по иницијатива на Воздухопловната спасувачка служба, која имала потешкотии да најде летач облечен во униформа со незабележлива боја на заднината на земјата. Летачите што принудно слетале или биле принудени да го напуштат авионот со падобран ја свртеле јакната однатре и ја облекле со светлата страна надвор.

Јакната е удобна, лесна за носење, не го ограничува движењето и ја менува бојата кога е свртена однатре, поради што во различни времиња се здобила со популарност меѓу скинхедите, рејверите, модовите и фудбалските навивачи.

Надворешни врски

• Дела поврзани со Пилотска јакна на Викиизвор