Карлица

Карлица или пелвис (латински: pelvis) — масивен коскен појас формиран од карличните коски споени со сакрумот и тртичната коска. Карлицата е сместена во долниот дел на трупот под стомакот и меѓу бутовите, нејзината улога е да ја пренесува тежината на телото од ’рбетниот столб на долните екстремитети.

Карлица
Женска карлица
Машка карлица
Податоци
Назнаки
Латински	Pelvis
TA	A01.1.00.017
[уреди на Википодатоците]

Делови

На карлицата се разликуваат:

• две карлични коски (латински: os coxae);
• крсна коска (латински: os sacrum);
• гранична линија (латински: linea terminalis), со помош на граничната линија карлицата е поделена на:
  • голема карлица (латински: pelvis major), ограничена е со двете бедрени јами и крсната коска;
  • мала карлица (латински: pelvis minor) од задната страна стрчи промонториумот и претставува коскен канал отворен на двата краја;
• горен отвор, кај мажите е со кружна форма, а кај жените е напречно- валчест, големината на горниот отвор кај женската карлица има големо практично значење поради текот и исходот на породување.

Функции

Најзначајни функции на карлицата се:

• функција на поврзување, карлицата се поврзува со ’рбетниот столб од задната страна и со бутните коски од предната страна, се поврзува и со некои групи на мускули;
• потпорна функција, карличниот појас е многу поцврст и посилен во споредба со раменскиот појас и претставува поткрепа на долниот дел од трупот;
• заштитна функција, карлицата ги штити органите (делови од уринарниот тракт, внатрешни репродуктивни органи) сместени во карличната празнина.

Зглобови

Карлицата е поврзана со:

• крснобедрен зглоб (латински: articulatio sacroiliaca) го градат ушестите зглобни површини (латински: facies auricularis) од крсната и карличната коска. Зглобот е полуподвижен и во него се вршат мали движења при пренесување на тежината од телото на долните екстремитети;
• срамна симфиза (латински: symphysis pubica), срамната симфиза е неподвижен рскавичен спој што ги соединува предните краишта од двете срамни коски.

Човечка карлица, прва фотогарфија со х- зраци, магнетна резонанца (втора фотографија) и 3-димензионална компјутерска томографија (трета фотографија).

Галерија

• 
  Пречници на карличниот влез.
• 
  Двете карлични коски (лева и десна) во состав на карлицата.
• 
  Скршеница на карлица.
• 
  Предна и задна страна на карлицата.
• 
  Карлица