Палетар

Палетар или палетен виљушкар — нископодигнувачки виљушкар чија основна намена е подно пренесување палети. Истите речиси целосно ги замениле нископодигнувачките колички, бидејќи стандардизираните палети (на пример европалетите) најчесто ги замениле преносливите сталажи. Виљушкарите се влечат рачно или имаат акумулаторски електричен погон. Се управуваат рачно, и тоа одејќи покрај виљушкарот или стоејќи или седејќи на виљушкарот. Уредот за подигнување обично е хидрауличен, рачен или електричен. Виљушката може да се подигне околу 100 мм. Носивоста на палетерите е од 1.200 до 3.000 кг, а брзината е од 4 до 6 км/ч. Палетерите се многу прикладни за разнесување и собирање на палетизиран товар во работилници и складишта. Се користат за утовар и истовар на вагони и камиони преку товарни рампи, доколку стоката не мора да се насложува една врз друга.

Рачен палетар

Електричен или батериски палетар

Пресек на електричен палетен виљушкар

Подни пренесувачи

Подните транспортери (пренесувачи) вклучуваат посебни (специјални) возила кои слободно се движат по подот или општо на рамни површини, а се користат за водорамно внатрешно пренос и претовар во погони, складишта и слично. Постојат многу различни видови подни транспортери, како што се: рачни колички, моторизирани колички, влечни пренесувачи, разни подигнувачки колички, таканаречени надземни колички, виљушкари и други насложни пренесувачи. Во споредба со обичните друмски возила, сите тие имаат заеднички обележја: помали надворешни мерки (димензии) и помали брзини на возење. Сите подни транспортери имаат слични погонски механизми за возење, управувачки уреди и други склопови.

Најважни склопови на подните транспортери се: погонски механизам за возење и управувачки уред. Ефектот на подните транспортери во внатрешниот пренос најмногу зависи од овие склопови. Високиот учинок на некој поден транспортер се постигнува со големо забрзување при тргнување, брза промена на насоката на возење и со мал полупречник на вртење. Подните транспортери во производните погони не смеат да влијаат на работните услови и безбедноста на работата со испуштање на издувни гасови, создавање бучава и сл.

Нискподигнувачки подни транспортери

Нископодигнувачките подни транспортери се користат за пренос на материјали кои не треба да се редат еден врз друг. Најстарата верзија на таквите транспортери се нископодигнувачки колички со носечка платформа која е од 200 до 300 мм над подот. Количката се врзува под товарот нареден на преносливата (транспортна) сталажа (плоча на 4 кратки ногарки), потоа сталажата со товарот се подига со помош на уредот за подигнување и се превезува на одредено место, каде што сталажата со товарот се спушта на подот.

Во истата група спаѓаат и надвозните коли. Едноставните, хидраулично управувани фаќалки го прифаќаат товарот и го ставаат во просторот помеѓу 4-те погонски тркала. Поради ваквата централна локација на товарот, односот на корисна и сопствена тежина може да биде околу 2:1, што е исклучително поволно. Надземните камиони се многу погодни за транспорт на големи купишта долги материјали ( цевки, прачки, пилена дрва, итн.) во пространи магацини. Носивоста е од 5 до 25 тони, а брзината е до 60 km/h и уште повеќе.

Надворешни врски

• Палетар на Ризницата ^?