Недела дена во животот и смртта на Гроздан

„Недела дена во животот и смртта на Гроздан“ - роман на македонскиот писател Ѕвездан Георгиевски од 2016 година, објавен од издавачката куќа Темплум. Романот е добитник на наградата за најдобра дебитантска книга „Новите!“

Содржина

Романот се состои од автопоетички предговор, осум раскази, две лирски интермеца и епилог. Главниот лик, Гроздан, е новинар кој живее од своите тезги во странство. Во својата земја, тој ужива почит од помладите колеги, но новинарската слава му е потемнета. Гроздан не може да се снајде во новото време, па не поднесува барања за работа...

Осврт кон делото

Авторот вложил голем труд во конципирањето на своето прво дело, обезбедувајќи си самодисциплина при што на мал формат успеал да пласира повеќеслоен, но јасно обликуван концепт и необичност на жанровската форма. Мајсторството на раскажувачкиот стил на Георгиевски се состои во тоа што успева да изгради мал калеидоскоп од различни животни состојби: семејниот живот во тесни рамки, професионалните рутини, ритуалот на кафеаната, автоматизирањето на навиките, опсесиите, стравот, тагата по умрените пријатели итн. Притоа, авторот бега од психологизмот на тие ситуации и се определува за фантазмагорични наратеми.