Надир[1][2] (од арап. نظير = „спротивен“) — место што се наоѓа веднаш под некое место, т.е. под прав агол на рамнината. Бидејќи самата замисла за нешто „под“ нешто друго не е дорбро одредена за научни цели, стручњаците користат построга дефиниција за надирот. Во астрономијата, геофизиката и сродните науки (на пр. метеорологијата), надирот на едно место е дадена точка на месната вертикала што оди во насока на Земјината тежа на тоа место. Спротивен на надирот е зенитот. Надирот, исто така може да се дефинира како замислена точка на небесната сфера спротивно од зенитот; се наоѓа на долната, невидливата половина од небесниот свод[3].

Односот помеѓу зенитот, надирот и двата хоризонта.

Надирот се однесува и на надолната геометрија при набљудувањето на еден сателит во орбита,[4] каков што се користи при далечинско испитување на атмосферата и кога космонаутот е свртен кон Земјата кога врши некоја работа во отворена вселена.

Поимот надир ја означува и најниската точка што ја достигнува едно небесно тело додека привидно кружи околу дадена точка на набљудување. Вака може да се опише местоположбата на Сонцето, но ова е технички исправно само за една ширина во даден момент и е применливо само за мали геог. ширини. Велиме дека Сонцето е во надирот на едно место кога е во зенитот на антиподот на тоа место.

Поврзано уреди

Наводи уреди

  1. „надир“Дигитален речник на македонскиот јазик
  2. „надир“Официјален дигитален речник на македонскиот јазик
  3. „„надир". Лексикон. Он.нет. 2010. Посетено на 11 март 2011.[мртва врска] (македонски)
  4. „Вообичаениот кабински механизам (CBM) за Меѓународната вселенска станица“ (PDF). Друштво на автомобилски инженери. 2001. Посетено на 23 април 2008. (англиски)