Нагоре (филм)
Нагоре (англиски: Up) e американски анимиран филм од 2009 продуциран од Pixar, и дистрибуиран од страна на Walt Disney Pictures. Овој филм за првпат беше прикажан во кино салите низ Северна Америка на 29 мај 2009, а во Обединетото Кралство на 9 октомври 2009. Овој филм беше и првиот анимиран филм кој го отворил Канскиот филмски фестивал.
| „Нагоре (Up)“ | |
|---|---|
 Филмскиот постер | |
| Режисер | Питер Доктер Ко-режисер: Боб Петерсон |
| Продуцент | Џонас Ривера Извршни продуцери: Џон Ласетер Ендру Стентон |
| Сценарист | Сценарио: Питер Доктер Боб Петерсон Приказна:Питер Доктер Боб Петерсон Томас МекКарти |
| Главни улоги | Едвард Аснер Кристофер Пламер Џордан Нагаи Боб Петерсон Делрој Линдо |
| Музика | Мајкл Гиачино |
| Студио | Pixar Animation Studios |
| Дистрибутер | Walt Disney Pictures |
| Премиера | Северна Америка: 29 мај 2009 Австралија: 3 септември 2009 Обединетото Кралство: 9 октомври 2009 |
| Времетраење | 96 минути |
| Земја |  САД |
| Јазик | англиски |
| Буџет | $175 милиони |
| Бруто заработка | $683,004,164 |
Нагоре е вториот филм режиран од страна на Питер Доктер по анимираниот филм од 2001, Чудовишта. Нагоре е десеттиот долгометражен филм продуциран од студиото Пиксар, и првиот во кој се користи новата „Disney Digital 3-D“ технологија. Гласовите на главните ликови ги позајмуваат глумците Едвард Аснер, Кристофер Пламер, Боб Петерсон, и Џордан Нагаи.
Филмот ги следи авантурите на еден намуртен стар човек по име Карл Фредриксен и еден млад природен истражител по име Расел. Тие летаат низ Јужна Америка со куќа на која се заврзани илјадници балони со хелиум. Филмот беше позитивно прифатен од страна на публиката и критичарите и има зачудувачки рејтинг од 98% на мрежното место Rotten Tomatoes.