Московски уметнички театар

Московскиот уметнички театар (руски: Московский Художественный Академический Театр) е руски театар специјализиран во театралниот натурализам. Бил основан во 1898 година од Константин Станиславски (уметнички директор) и Владимир Немирович Даншенко (административен директор) со единствена цел да се замени старомодното историско играње и режирањето со поедноставен и пореален стил. Театарот бил отворен со делото на Алексеј Толстој „Цар Фјодор Иванович“ (Царь Фёдор Иоаннович), а првиот голем успех го постигнал со делото на Антон Чехов „Галебот“ (Чайка). Покрај делата на Чехов, театарот поставил нови дела како на Максим Горки и Морис Матерлинк. Трупата на театарот со одушевување била примана на турнеите низ Европа и Америка во 1922 година и изврши влијание врз подоцнежниот развој на театарот низ целиот свет. Од 1939 година познат е како „Московски академски уметнички театар“ (Московский Художественный Академический Театр).

Московски уметнички театар Московский Художественный Академический Театр
Чеховскиот Московски уметнички театар денес
Град	Москва
Земја	Русија
Отворен	1898

Ентериерот на стариот МУТ, 1902 година