Моника Херцег
Моника Херцег (Сисак, 1990) — хрватска поетеса, драмска писателка, сценаристка и уредничка. Добитничка е на повеќе книжевни награди, како и активистка за популаризација на науката, феминистка, заговарачка за рамноправност на жените и права на бегалците.
| Моника Херцег | ||
.jpg)
| ||
| Родена | Моника Херцег 1990 Сисак, СФР Југославија (денес Хрватска) | |
|---|---|---|
| Занимање | писателка | |
| Деца | 2 | |
Животопис уреди
Моника Херцег е родена и израснала во Сисак, средно училиште завршила во Петриња, студирала физика на Универзитетот во Риека, а живее во Загреб.[1] Сосоздавачка е на натпреварот „Квант книжевност“ на природно-математичкото здружение на студенти ПРИМУС со цел пишување трудови на популарно-научни теми.[2][3] Херцег е членка на Хрватското друштво на писатели и уредничка на часописот „Поезија“.[4]
Добитничка е на книжевната награда „Горан за млади поети“ во 2017 година[5][6] и на наградата „Квирин за млади поети“ во 2018 година.[7] Нејзината збирка поезија „Почетни координати“ е наградена со признанијата „Гран Галовиќ“,[8] „Славиќ“ и „Мостови на Сруга“. За својата втора објавена збирка „Ловостој“ ја добила наградата „На врв на јазик“, а за своите кратки раскази и песни ги освоила и наградите „Бибер“, „Lapis Historiae“ и втората награда на фестивалот „Девински замок“, како и прва награда на регионалниот натпревар на хумористично-сатирична творба „Бал во Елемир“ во 2017 година.[9] Во 2020 година, го напишала својот прв драмски текст со наслов „Каде се купуваат нежности“, кој го тематизира насилството над жените, меѓугенерациските трауми и односите во патријархатот, а за ова свое дело била наградена од Хрватскиот народен театар.[10] Драмата е преведена на француски и е објавена во Франција од страна на издавачката куќа „Прозор“ на Николас Раљевиќ во март 2021 година.[11]
Третата збирка поезија насловена „Времето пред јазикот“ ја објавила во издаваштво на издавачката куќа Фрактура и таа исто така наишла на позитивна критика и ја добила наградата „Звонко Милковиќ“.[12][13][14][15] За кратката драма „Мртвите не треба да се поместуваат“ ја освоила регионалната награда „Приказни од балконот, приказни од Балканот“, а за драмата „Закопани чуда“ ја добила третата награда на Хрватскиот народен театар во Мостар.[16] Во 2021 година, за драмата „Убиј се, тато“ ја добила наградата за драмско дело „Марин Држиќ“.[17] Истата година била прогласена за една од добитничките на наградата „Страшна жена“.[18] Заедно со Барнара Матејчиќ и Дадо Ќосиќ ја води акцијата за сузбивање на насилството над бегалците. Со својата поезија учествувала на комеморацијата за Александра Зец. Таа го покренала и циклусот поетски трибини „Поетеса во петок“ каде што нагласок се става на творештвото на поетесите.[19]
Поезијата на Херцег е преведена на повеќе од десет јазика, вклучувајќи ги англиски, германски и литвански преку европската платформа за млади поети „Версополис“.[20] Така, во Литванија и Австрија биле издадени збирки на песни во тројазично издание. Збирка на песни била објавена и на француски јазик. Стихозбирката „Почетни координати“ е објавена и на македонски во рамки на доделувањето на наградата „Мостови на Струга“.[21] Делата „Почетни координати“ (2020) и „Ловостој“ (2021) се објавени на македонски во издаваштво на ПНВ Публикации.
Личен живот уреди
Херцег е мажена и е мајка на две деца.[22]
Творештво уреди
- „Почетни координати“ (поезија, 2018)
- „Ловостој“ (поезија, 2019)
- „Каде се купуваат нежности“ (драма, 2020)
- „Времето пред јазикот“ (поезија, 2020)
- „Мртвите не треба да се поместуваат“ (кратка драма, 2020)
- „Убиј се, тато“ (драма, 2020)
- „Закопани чуда“ (драма, 2020)
Наводи уреди
- ↑ „Herceg | Hrvatsko Društvo Pisaca“. hrvatskodrustvopisaca.hr. Посетено на 14 мај 2021.
- ↑ „Natječaj 'Kvant književnosti'“. Booksa. Посетено на 14 мај 2021.
- ↑ „Kvant književnosti – Prirodoslovno matematička udruga studenata“. web.archive.org. 2016-06-09. Архивирано од изворникот на 2016-06-09. Посетено на 14 мај 2021.CS1-одржување: бот: непознат статус на изворната URL (link)
- ↑ „Časopis Poezija 1-2/2020. | Hrvatsko Društvo Pisaca“. hrvatskodrustvopisaca.hr. Посетено на 15 мај 2021.
- ↑ „2017: Monika Herceg > SKUD "Ivan Goran Kovačić"“. SKUD "Ivan Goran Kovačić" (хрватски). 2020-05-25. Посетено на 14 мај 2021.
- ↑ „Jutarnji list - MONIKA HERCEG Fizičarka i dobitnica najznačajnije domaće nagrade za mlade pjesnike objavila je nagrađeni rukopis“. www.jutarnji.hr (хрватски). 2018-03-28. Посетено на 14 мај 2021.
- ↑ „Branku Malešu Nagrada Kvirin za poeziju | Hrvatsko Društvo Pisaca“. hrvatskodrustvopisaca.hr. Посетено на 14 мај 2021.
- ↑ „Nagrada "Fran Galović" dodijeljena Moniki Herceg“. galoviceva-jesen.eu (хрватски). Посетено на 14 мај 2021.
- ↑ „"Prije pjesnikinje, ja sam uvijek seljanka i sretna sam što je tako"“. www.vecernji.hr (хрватски). Посетено на 14 мај 2021.
- ↑ „Monika Herceg napisala svoju prvu dramu i pobijedila na natječaju zagrebačkog HNK, žiri ocijenio: 'Svježe, drugačije, teško se može uspoređivati s drugim što se trenutno piše u hrvatskom dramskom pismu'“. tportal.hr. Посетено на 14 мај 2021.
- ↑ „Gdje se kupuju nježnosti“. Prozor Editions.
- ↑ „The Time Before the Tongue“. fraktura.hr (хрватски). Посетено на 15 мај 2021.
- ↑ „Monika Herceg: Vrijeme prije jezika“. mvinfo.hr (хрватски). Посетено на 15 мај 2021.
- ↑ „Formativna estetika jezika“. Booksa. Посетено на 15 мај 2021.
- ↑ „Vježbanje ljubavi“. kritika-hdp.hr (хрватски). Архивирано од изворникот на 2021-05-15. Посетено на 15 мај 2021.
- ↑ „Velika je razlika između teksta u računalu i likova koji zažive na pozornici - HNK Mostar“ (хрватски). 2021-03-15. Посетено на 15 мај 2021.
- ↑ hdp, Marina Vujčić, Monika Herceg i Marija Dejanović dobitnice Nagrade Marin Držić
- ↑ „Culturenet.hr - Portal Voxfeminae.net i Fierce Women odabrale strašne žene godine u Hrvatskoj“. www.culturenet.hr. Посетено на 2021-03-06.
- ↑ „Voxfeminae.net predstavio pet dobitnica ovogodišnje Fierce Women WoW nagrade – VoxFeminae“. voxfeminae.net. Посетено на 15 мај 2021.
- ↑ Beletrina, Production:. „Monika Herceg | Versopolis Poetry“. www.versopolis-poetry.com (англиски). Посетено на 15 мај 2021.CS1-одржување: излишна интерпункција (link)
- ↑ „Monika Herceg“. fraktura.hr. Посетено на 15 мај 2021.
- ↑ „Pjesnikinja Monika Herceg: 'Čovjek koji želi raditi sa svojim ranama je onaj koji ima šansu biti sretan'“. Jutarnji list. Посетено на 15 мај 2021.
Надворешни врски уреди
- Моника Херцег — Хрватско друштво на писателите (хрватски)
- Лично мрежно место (хрватски)