Милан Штрбанов
Милан Петрев Штрбанов ( 1902 во Кучевиште, Скопско — 12 ноември 1944 во Скопје) — македонски партизан, борец за слобода на Македонија и учесник во НОВ.[1]
| Милан Штрбанов | ||
| ||
| Роден | 1902 година Кучевиште, Скопје, Македонија под Османлиско Царство | |
|---|---|---|
| Починал | 12 ноември, 1944 година Скопје, Македонија | |
Животопис
уредиПотекнувал од сиромашно семејство. Иако не успеал да заврши основно училиште, подоцна се научил да чита и пишува, а изучил и занает. Работел како столарски работник, во Скопје. Уштe во почетокот на оруженото востание против окупаторот, се вклучил активно и го помагал. Од 1941 година неговата куќа била отворена за илегалците, каде голем број партиски работници наоѓале засолниште. Честопати вршел и многу доверливи курирски задачи. Во текот на 1944 година, бил постојанен курир на Шеснаесеттата македонска ударна бригада. Бил задолжен за одржување на врска меѓу градот и бригадата. На 12 ноември 1944 година, пред самиот напад за ослободување на Скопје, вршејќи една задача, се судрил со германски единици и во близината на бившата воена болница и загинал.[1]