Медицински ринитис
Медицинскиот ринитис (латински Rhinitis medicamentosa) или ринитис индуциран од лекови или привинизам се однесува на ринитис (т.е. воспаление на носот) предизвиканa од долготрајна употреба на деконгестивни назални спрејови или капки за нос.
Името привинизам потекнува од капките за нос кои се продаваа со децении под трговското име Привин (супстанца нафазолин), чија долготрајна употреба на крајот доведува до трајно отекување наместо посакуваното намалување на отечената слузница во носот. Терминот медицински ринитис (Rhinitis medicamentosa) почесто се заменува со поимот ринитис индуциран од лекови, кој исто така може да се јави во ретки случаи при земање на бета-блокатори, АКЕ инхибитори или орални контрацептиви; [1] Според други извори, поимот е резервиран за ринитис предизвикан од деконгестиви. [2]
Патофизиологија
уредиЛековите кои имаат деконгестивен ефект (ефект во намалување на отечената слузница) ги стимулираат α- адренорецепторите и на тој начин предизвикуваат стеснување на крвните садови во носната слузница, што доведува до намалување на отокот. Точниот механизам за развој на привинизам не е познат; можно е да се присутни вазодилататорни ефекти и интраваскуларен едем.
Терапија
уредиНормализацијата на носното дишење може да се постигне со прекинување на деконгестивните препарати, под услов лошото носно дишење да не се должи на анатомска (на пр. септална девијација) или алергиска причина што треба соодветно да се третира. По некое време, кое може да биде повеќе од една недела, отокот на носната слузница повторно исчезнува. Засегнатите сметаат дека овој пат е вознемирувачки бидејќи симптомот што првично бил третиран сега се јавува во уште позголемена мера. Локален третман со глукокортикоиди како будесонид, флутиказон или мометазон фуроат (носен спреј) може да биде индициран во ова време за да се ублажат симптомите. [3] Алтернативно, можно е и постепено намалување на дозата на деконгестивниот препарат.
 | Ве молиме, обратете внимание на важното предупредување во врска со темите поврзани од областа на медицината (здравјето). |
- ↑ R. Probst: Hals-Nasen-Ohren-Heilkunde. Thieme Verlag, 2008, S. 49.
- ↑ M. Maldona do Fernández, J. Mullol: Nonallergic rhinitis and primary ciliary dyskinesia. In: M. Anniko (Hrsg.): Otorhinolaryngology, Head and Neck Surgery (European Manual of Medicine). Springer Verlag, 2008, S. 216.
- ↑ J. T. Ramey, E. Bailen, R. F. Lockey: Rhinitis medicamentosa. In: Journal of investigational allergology & clinical immunology. Band 16, Nummer 3, 2006, S. 148–155, PMID 16784007 (Review).