Мевот на еден архитект

„Мевот на еден архитект“ (англиски: Belly of an Architect) — италијанско-британски филм од 1987 година, режиран од Питер Гринавеј (Peter Greenaway), кој е автор и на сценариото. Главните улоги ги играат: Брајан Денехи (Brian Dennehy) и Клои Веб (Chloe Webb). Филмот бил номиниран за наградата „Златна палма“ на Канскиот фестивал.

Синопсис

Познатиот американски архитект Сторли Краклајт (го игра Денехи) доаѓа во Рим за да организира голема изложба за својот омилен архитект Етјен-Луј Буле. Додека патуваат со возот, Клои конечно забременува откако претходно имала неколку спонтани абортуси. За време на престојот во Рим, Краклајт е опседнат со изложбата и целосно ја занемарува сопругата (ја игра Веб), која си наоѓа љубовник. Истовремено, Краклајт страда од големи болки во стомакот, проследени со често повраќање. Љубовникот на неговата сопруга е задолжен да обезбеди финансии за изложбата, но отј прави финансиски малверазации. Во меѓувреме, тој оди на лекарски преглед и се утврдува дека има рак на желудникот. Најпосле, тој е отстранет од организацијата на изложбата, а неговата сопруга го напушта и се сели кај љубовникот. На денот на отворањето на изложбата, Краклајт влегува тајно во споменикот на Виктор Емануел, а потоа се фрла низ прозорецот.