Маса (мебел)

Маса (од романски: masă) или астал (од унгарски: asztal) — парче мебел што се состои од рамна плоча поставена на ногалки. Масата главно е наменета за повеќе лица, но може да биде и само за едно лице. Масите имаат ногалки (најчесто четири) на кои стои работна површина. Висината на ногалките зависи од намената на масата. Вообичаено масите може да се поместуваат, но постојат маси кои фиксирани за под или за ѕид. За користење на масите, обично околу нив се распоредуваат столици за седење, но има и маси покрај кои се стои. Масите може да бидат со разни големини, а може да бидат и на склопување (за кампување и сл.).

Шематски приказ на една четвороножна маса /
1: Плоча на масата
2: Ногалки на масата

Видови маси

Масите се делат спрема намената и спрема материјалот од кој се изработени.

Видови маси според намената

• Барска маса
• Маса за во градина
• Ученичка маса
• Канцелариска маса
• Картачка маса
• Катедра
• Кафеанска маса
• Сметачка маса
• Конференциска маса
• Кројачка маса
• Кујнска маса
• Монтажна маса
• Ноќна масичка
• Тркалезна маса – дискусија, дебата
• Операциона маса
• Работна маса
• Маса за кампување
• Масичка за клуб гарнитура
• Маса за пинг-понг
• Трпезариска маса
• Тоалетна масичка
• Цртачка маса
• Шаховска маса
• Школска маса

Видови маси според материјалот од кој се направени

• Дрвена маса
• Мермерна маса
• Метална маса
• Дрвено-метална маса
• Маса стакло-дрво
• Маса стакло-метал
• Пластична маса
• Пластична маса со метални ногалки
• Маса од бамбус

Масата како тема во културата

• „Околу тркалезната маса“ — песна на полскиот поет Јулијан Тувим.
• Маса — име на соѕвездие на јужното небо

Поврзано

• Трпеза
• Биро