Мал сокол
| Мал сокол | |
|---|---|
| |
| Мал сокол со улов | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Соколовидни |
| Семејство: | Соколи |
| Род: | Falco |
| Вид: | Мал сокол |
| Научен назив | |
| Falco columbarius Карл Лине, 1758 | |
| Разновидност | |
| 3–9 подвида (see text) | |
| |
| Жолто: само лето. Зелено: цела година. Сино: само зима. | |
| Синоними | |
|
Aesalon columbarius (Linnaeus, 1758) | |
Малиот сокол (Falco columbarius) е мала граблива птица од редот соколовидни, семејството соколи. Се среќава и во Македонија.
Опис
уреди
Оваа птица е долга од 24 до 33 см, со распон на крилјата од 50 до 73см. Машките тежат просечно околу 125-210гр, а женските 190-300гр. Мажјакот има сивкастосин грб, светложолт стомак со кафеавкастоцрвени или црни ленти. Женката и младите имаат сивкастокафеав грб и светложолт стомак со кафеави дамки. Двата пола освен тоа ја имаат и карактеристичната црна лента кај образите како и кај повеќето соколи. Новородените соколи се најпрво покриени со светложолти пердуви, кои подоцна им паѓаат и според полот им се оформуваат вистинските пердуви.
_440571875.jpg)
Живеалиште
уредиМалите соколи ги населуваат отворените места. Претпочитаат да живеат на места со пониска вегетација, и ги избегнуваат густите шуми како и пустите региони.
Овие птици се селат во текот на зимата на потопли места. Птиците од северна се селат во јужна Европа и северна Африка, а птиците од Северна Америка во северните делови на Јужна Америка.
Исхрана
уреди
Малите соколи се хранат со цицачи, влекачи, глодачи како и помали птици. Овие птици се потпираат на нивната брзина и агилност при ловот. Ловат летајќи брзо и ниско над земјата (на висина помала од 1м) со цел да го изненадат пленот. Но, всушност поголемиот дел од својот плен го ловат во лет.
Размножување
уреди
Овој сокол се пари најчесто од мај до јуни. Се гнездат на карпи или во некои ниски, густи грмушки. Малиот сокол не гради свои гнезда туку употребува импорвизирани гнезда, или пак некои напуштени. Снесуваат од 3 до 6 јајца. Кафеавите јајца се со прилични димензии 40x31,5. Инкубацијата трае од 28 до 32 дена, при што 90% од лежењето го извршува женката, а мажјакот лови. По изведувањето младенчињата се зависни од родителите околу 1 месец.
Наводи
уреди- ↑ BirdLife International (2012). „Falco columbarius“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски
уреди| „Мал сокол“ на Ризницата ? |
| „Falco columbarius“ на Викивидовите ? |
- Merlin Falcon Foundation Архивирано на 18 февруари 2020 г. A non-profit organization that researches the Coastal Forest Merlin's life history and educates scientists and citizens about this raptor's importance to the Northwest environment.
- Cornell Lab of Ornithology - Merlin
- USGS Patuxent - Merlin
- Picture of Black Merlin (Falco columbarius suckleyi subspecies)
- Oiseaux Photos.
- Ageing and sexing (PDF; 5.3) by Javier Blasco-Zumeta & Gerd-Michael Heinze Архивирано на 23 јули 2011 г.
- Sounds of Merlin by Martyn Stewart[мртва врска]
- Merlin, Canadian Peregrine Foundation