Магаза на Филипови
Магаза на Филипови — магаза во градот Охрид, прогласена за културно наследство на Македонија.[1]
| Магаза на Филипови | |
|---|---|
.jpg) Поглед на магазата | |
 | |
| Општи податоци | |
| Статус | споменик на културата |
| Вид | магаза |
| Адреса | ул. „Димче Маленко“ бр. 12 |
| Град | Охрид |
| Земја |  Македонија |
| Завршена | 1872 |
| Технички податоци | |
| Катови | 2 |
Историја
уредиГрадбата е сместена на улица „Димче Маленко“ бр. 12, во непосредна близина на Стариот чинар и плоштадот „Крушевска Република“, на самото подножје на ридот. Се состои од подрум, приземје и еден кат. Му припаѓа на поновиот тип на камени трговски објекти од европски тип, таканаречените магази кои почнале да се јавуваат во средината на XIX век како замена за еднокатните дрвени дуќани. Изградена е во 1872 година од непознати мајстори.[1] Натписот на плочата на магазата гласи: „1872 30 май Ставре ... Филипови“.
Архитектура
уредиМагазата е изградена од камен со обликување на аглите од големи обработени камени блокови. Отворите на приземјето и влезната врата имаат сводови од обработен бигор. На катот има помали правоаголни отвори нагласени со слепи вдлабнати лакови од обработени бигорни блокови. На прозорците на катот се зачувани два од металните капаци, типични за охридските магази. Најгоре завршува со обработена профилирана стреа од бигорни блокови, над која има повеќеводен покрив со нови ќерамиди.[1]
Поврзано
уредиНаводи
уреди- ↑ 1,0 1,1 1,2 „Магаза на ул. Димче Маленко бр.12“. Управа за заштита на културното наследство. Архивирано од изворникот на 2016-03-20. Посетено на 1 септември 2017.