Лохајде
Лохајде (германски: Lohheide) — слободна област во округот Целе, во сојузната покраина Долна Саксонија, Германија. Се наоѓа во јужниот дел на Линебуршкото Поле.
Областа има површина од 91,32 км² и има 755 жители (2017 г.). Заедно со слободната област Остерхајде е дел од воениот полигон „Берген-Хоне“.
Историја уреди
Во 1935 година, германската војска го основала воениот полигон „Берген“ помеѓу градот Берген и Фалингбостел. Вкупно 24 села биле погодени, а нивните жители преселени. Во 1938 година бил создаден посебен округ Берген (Gutsbezirk Platz Bergen) за да го раководи полигонот и бил под округот Фалингбостел. Во 1945 година, округот бил поделен на две слободни области, познати денес како Остерхајде и Лохајде. Остерхајде останал дел од округот Фалингбостел, додека Лохајде бил преместен под округот Целе.
Правен статус уреди
Според член 16 од општинските одредби на Долна Саксонија, управувањето со нездружени подрачје е регулирано. Целосната верзија на овие одредби биле издадени на 4 декември 1996 година. Таму се наведува дека „испораката на јавни добра за областа е одговорност на земјопоседникот“, што во случај на Лохајде и Остерхајде, е сојузната влада. Управувањето со нездружено подрачје е различно од она на општините. Тие имаат окружен предводник (Bezirksvorsteher) и совет на избрани претставници од жителите.
Знаменитости уреди
Следниве знаменитости може да се најдат во Лохајде:
- Замок Бредебек на потокот Литбах
- центарот за посетители на концентрацискиот камп Берген-Белзен
- гробиштата на жртвите од тиранијата во полигонот Хоне
- германските воени гробишта
- споменикот на генералот Вернер фон Фрич
- советските воени гробишта