Коралноморски Острови
Територијата на Коралноморски Острови е надворешна територија на Австралија составена од група мали и претежно ненаселени тропски острови и гребени во Коралното Море. Се наоѓаат североисточно од Квинсленд, Австралија. Населен е само островот Вилис. Територијата има површина од 780.000 km², од што најголемиот дел е океан. Територијата се протега источно и јужно од надворешниот раб на Големиот корален гребен и ги вклучува островот Хералдс Бикон, Оспреј гребенот, Групата на острови Вилис и петнаесет други гребени и островски групи. На Гребенот Като е највисоката кота на територијата.
| Коралноморски Острови |
||
|---|---|---|
.svg) |
Историја и статус
уредиКоралноморските Острови биле мапирани за прв пат во 1803 година. Кон крајот на деветнаесетиот век од островите се ископувал гвано, но недостигот на пивка вода оневозможило населување.[1] Коралноморските Острови се сметаат за австралиска надворешна територија од 1969 година по донесување на Законот за Коралноморските Острови (пред тоа биле дел од Квинсленд), а територијата им се проширила во 1997 година со вклучување на гребените Елизабет и Мидлтон кои се скоро 800 км јужно од останатите острови.
Островите и гребените од Големиот корален гребен не се дел од оваа територија, и му припаѓаат на Квинсленд. Надворешниот раб на Големиот корален гребен е граница меѓу Квинсленд и територијата Коралноморските Острови.
Територијата ѝ припаѓа на Австралија, управувана од Министерството за инфраструктура, транспорт, регионален развој и градови во Канбера. Претходно, била управувана од Министерството за правда и судови [2] и Министерството за транспорт и регионални услуги).[3] За одбраната се грижи Австралија, а територијата често е посетувана од Австралиската Кралска Морнарица.
На многу острови Австралија има поставено автоматски метеоролошки станици, а има и 200 наутички милји (370 км) ексклузивна рибарска зона. Нема економски активности (освен риболов и нуркање, кои не се квантифицирани), и има три-четири лица на островот Вилис (Јужно островче) кои раководат со метеоролошката станица, поставена во 1921 г.[4]
Географија
уреди
Има околу 30 засебни гребени и атоли, од кои дванаесет се целосно потопени за време на плима, а останатите 18 имаат 51 островче (од кои 18 се на атолскиот гребен Лихоу). На некои има вегетација. Величината на атолите е различна, од неколку километри во пречник до вториот најголем по површина (вклучувајќи ја и лагуната) атол во светот - Гребенот Лихоу, со големина на лагуната од 100 на 30 км и површина од 2500 km². Сите острови се многу ниски.
На Вилис Островите се гнездат птици и желки, но природните ресурси кои ги содржат се занемарливи. Опфаќаат помалку од 3 km² копно. Нема пристаниште, а бродовите можат само да се укотвуваат во близина.
Повеќето атоли се делат во две групи: Северозападна и Североисточна Група, гребенот Мелиш на исток и гребените Мидлтон и Елизабет на југ се групирани одделно.
Поврзано
уредиНаводи
уреди- ↑ Geoscience Australia. Coral Sea Islands Архивирано на 21 август 2006 г.
- ↑ First Assistant Secretary, Territories Division (2008-01-30). „Territories of Australia“. Attorney-General's Department. Архивирано од изворникот на 6 February 2008. Посетено на 2008-02-07.
The Federal Government, through the Attorney-General's Department administers Ashmore and Cartier Islands, Christmas Island, the Cocos (Keeling) Islands, the Coral Sea Islands, Jervis Bay, and Norfolk Island as Territories.
- ↑ Department of Infrastructure, Transport, Regional Development and Local Government. „Territories of Australia“. Архивирано од изворникот на 2007-12-16. Посетено на 2008-02-07.
As part of the Machinery of Government Changes following the Federal Election on 29 November 2007, administrative responsibility for Territories has been transferred to the Attorney General's Department.
CS1-одржување: повеќе имиња: список на автори (link) - ↑ http://www.aph.gov.au/~/media/wopapub/house/committee/pwc/willisisland/subs/sub1_pdf.ashx