Клима на Србија

Климата во Србија е континентална на север, со студени и суви зими и топли, влажни лета со добро распореден обем на врнежи, а на југот од земјата климата е помедитеранска . Летата се топли и суви, а исто така и есента .Зимите се просечно релативно свежи и поврнежливи, со обилни планински снежни врнежи. Разликите во височината, близината на Јадранското и Егејското Море и големите речни сливови, но и изложеноста на ветровите исто така влијаат на климатските разлики.

Кепенова класификација на климата на картата на Србија

Северна Србија има типична континентална клима, со воздушни маси од северна и западна Европа кои го обликуваат нејзиниот климатски профил. Југот и југоисточниот дел на Србија подлежат на силни средоземни влијанија (потопли лета и поблаги зими). Меѓутоа, Динаридите и другите планински венци придонесуваат за заладување на голем дел од топлите воздушни маси. Зимите се доста сурови во регионот Рашка поради планините кои ја опкружуваат висорамнината. Средоземни микрорегиони постојат низ јужна Србија, во Златибор и областа Пчиња околу долината и реката Пчиња . Просечната годишна температура на воздухот за периодот 1981–2017 година за подрачјето со надморска височина до 300 метри е 11.6 °C . Подрачјата со надморска височина од 300 до 500 метри имаат просечна годишна температура од околу 11.0 °C и над 1000 метри надморска височина околу 7.5 °C . Најниската забележана температура во Србија била -39.5 °C (26 јануари 2006 година, Карајукица Бунари во Пештер ), а највисоката била 45.2 °C (24.07.2007, Лесковац ).