Карен Александер (екологист)

За други личности именувани Карен Александар, видете Карен Александар (појаснување).

Карен Рут Александар (ОАМ, англиски: Karen Ruth Alexander; р. 1948 година) — австралиска екологистка која била еден од основачите на Друштвото за дивина во Тасманија.

Биографија

Карен Александар е родена во Мелбурн. Студирала математика на Универзитетот Монаш пред да студира геологија во Тасманија, а на крајот добила диплома за применета наука во Канбера. Таа била соосновач на огранокот во Мелбурн на Тасманското друштво за дивина, посветен на кампањата против предложената брана Френклин. Боб Браун ја опишал како „движечка сила во Мелбурн зад претворањето на кампањата на реката Френклин во национално прашање“. Кога Друштвото за дивина се воспоставило на национално ниво, Александар била ко-директор.

Во текот на 1988 година, таа работела со Програмата за животна средина на Обединетите нации, по што станала менаџер за животна средина за Австралиската фондација за зачувување. Подоцна магистрирала на Универзитетот во Западна Австралија. Вклучена во Австралиските Зелени, таа исто така била претседател на Буш Херитиџ Австралија од 2000 до 2004 година. Во 2005 година, таа ја преземала нејзината сегашна позиција во Здружението на националните паркови на Викторија. Александар била наградена со Медал на Орден на Австралија (ОАМ) на 8 јуни 2015 година за „услуга за зачувување и животна средина и за заедницата“.