Изабел Ипер
Изабел Ан Мадлен Ипер (родена на 16 март 1953 г.) — француска и театарска глумица која играла во повеќе од сто филмови и телевизиски продукции почнувајќи од нејзиното филмско деби во 1971 година. Таа ја освоила наградата БАФТА за најперспективна глумица за нејзината изведба во Плетачка на тантели (1977), како и наградата Сезар за најдобра глумица за изведбата во Церемонија (1995). Таа е глумица со најмногу номинации за наградата Сезар, со вкупно 16 номинации. Во 1994 година, Ипер била прогласена за витез со Францускиот орден за заслуги, а потоа во 2005 година била унапредена на офицер. Таа била прогласена за витез со орденот Легија на честа во 1999 година и унапредена во офицер во 2009 година.
| Изабел Ипер | |
|---|---|
 Ипер на Канскиот фестивал во 2015 година | |
| Роден(а) | Изабел Ан Мадлен Ипер 16 март 1953 Париз, Франција |
| Занимање | Глумица |
| Активен период | 1971–сè уште |
Првата номинација за наградата Сезар, Ипер ја имала за изведбата во Алоис. Таа ја добила наградата најдобра глумица што ја доделува Канскиот филмски фестивал за изведбите во Виолет Нозиер (1978) и Пијанистка (2001) и наградата Волпи пехар за најдобра глумица на Венецијанскиот филмски фестивал за изведбите во Приказна за жените (1988) и Церемонија (1995).[1] Нејзини други значајни филмови во Франција се Лулу (1980), Разделба (1994), 8 жени (2002), Габриела (2005) и Љубов (2012). Како една од најплодните глумици на меѓународна сцена, Ипер работела на филмови во Италија, Русија, Средна Европа и на Азискиот континент. Значајни филмови на англиски јазик во кои таа глумела се: Врата на рајот (1980), Го сакам Хакабис (2004), Исчезнувањето на Елеонор Ригби (2013) и Погласно од бомби (2015).
Во 2016 година, Ипер добила пофалби за работата во филмовите Таа и Во исчекување, освојувајќи ги наградите за најдобра глумица на националното друштво на филмски критичари и здруженијата на филмски критичари на Њујорк и Лос Анџелес двата филма. Таа исто била прогласена за глумица на годината од страна на здружението на филмски критичари на Лондон. За изведбата во Таа, Ипер добила Златен глобус за најдобра глумица во драма и номинација за Оскар за најдобра глумица.
Наводи
уреди- ↑ „Festival de Cannes: Isabelle Huppert“. festival-cannes.com. Архивирано од изворникот на 2011-09-21. Посетено на 2 January 2009.
Надворешни врски
уреди- Изабел Ипер на
Семрежната филмска база на податоци (англиски)
- Изабел Ипер — AllMovie (англиски)
- Изабел Ипер Архивирано на 4 мај 2013 г. на filmsdefrance.com
- Изабел Ипер на TCM Movie Database