Ива Кесиди

Ива Кесиди
Ива Кесиди
Родено име	Ива Мари Кесиди
Роден(а)	2 февруари 1963; Вашингтон, САД
Починал(а)	2 ноември 1996 (возр. 33); Боуви, Мериленд, САД
Жанрови	Џез; фолк; блуз;
Занимања	Пејачка; музичар;
Инструменти	Пеење; гитара; пијано;
Период на активност	1981–1996
Издавачи	Liaison; Blix Street Records; BLP;
Соработници	Чак Браун

Ива Мари Кесиди (англиски: Eva Marie Cassidy; 2 февруари 1963 – 2 ноември 1996) ― американска пејачка позната по интерпретациите на џез, фолк и блуз песни кои ги пеела со нејзиниот моќен и емотивен сопран.

Ива Кесиди е родена на 2 февруари 1963 година во Вашингтон, а детството го поминала во Оксон Хил и Боуви во Мериленд. Во 1992 година го издала нејзиниот прв албум, The Other Side, збирка дуети отпеани со го-го музичарот Чак Браун. Во 1996 година го објавила соло-албумот во живо под наслов Live at Blues Alley. Починала од меланом во 1996 година, на 33-годишна возраст. Во моментот на нејзината смрт таа била речиси непозната надвор од нејзиниот роден Вашингтон.

Две години по нејзината смрт, музиката на Кесиди го привлекла вниманието на британската публика, откако нејзините интерпретации на песните „Fields of Gold“ и „Over the Rainbow“ биле отсвирени на Радио 2 на Би-Би-Си. По неверојатниот интерес кој го предизвикала, на Top of the Pops 2 на BBC Two била прикажана видео-снимка од нејзината изведба на „Over the Rainbow“, снимена во Блуз Алеја во Вашингтон. Веднаш потоа, нејзиниот компилациски албум Songbird се искачил на врвот на топ-листата за албуми во Обединетото Кралство, речиси три години по неговото објавување. Успехот на топ-листите во Обединетото Кралство и Ирска довело до популаризација на мизиката од Кесиди низ цел свет. Нејзините постхумно објавени снимки, меѓу кои и три албуми и еден сингл кои се искачиле на прво место во Обединетото Кралство, биле продадени во преку десет милиони примероци.^[1] Нејзините песни и албуми исто така се пласирале во топ-10 на листите во Австралија, Германија, Норвешка, Шведска и Швајцарија.

Биле објавени вкупно девет постхумни албуми. Последниот, I Can Only Be Me, во соработка со Лондонскиот симфониски оркестар, бил објавен во 2023 година и стигнал до 9-то место на топ-листата за албуми во Велика Британија.

Дискографија

Албуми

The Other Side (со Чак Браун) (1992)
Eva by Heart (1997)
Songbird (1998)
Time After Time (2000)
Imagine (2002)
American Tune (2003)
Somewhere (2008)
Simply Eva (2011)
Acoustic (2017)
I Can Only Be Me (со Лондонскиот симфониски оркестар) (2023)

Албуми во живо

Live at Blues Alley (1996)
Nightbird (2015)

Компилациски албуми

Wonderful World (2004)
The Best of Eva Cassidy (2012)

Реизданија

Songbird 20 (2018)

Наводи

↑ „Blix Stree Records Celebrates 10th Anniversary of Eva Cassidy's 'Songbird' CD Reaching number 1 on U.K. Music Chart with Gold Certification of New 'Simply Eva' Acoustic CD“. AltSounds.com. Архивирано од изворникот на March 25, 2011. Посетено на March 23, 2011.

Оваа статија за пејач е никулец. Можете да помогнете со тоа што ќе ја проширите.

[1] „Blix Stree Records Celebrates 10th Anniversary of Eva Cassidy's 'Songbird' CD Reaching number 1 on U.K. Music Chart with Gold Certification of New 'Simply Eva' Acoustic CD“. AltSounds.com. Архивирано од изворникот на March 25, 2011. Посетено на March 23, 2011.

[1]