Знаме на Кирибати

Знамето на Кирибати е официјалното знаме на оваа океанска држава. Знамето на Кирибати е усвоено на 12 јули 1979 година.

Знаме на Кирибати

Употреба	државно и пловно знаме
Сразмер	1:2
Усвоено	12 јули 1979
Варијанта на знамето на Кирибати
Сразмер	1:2
Усвоено	мај 1937

Историја

Знамето на Кирибати е усвоено по независноста на државата. Дизајнот на знамето е преземен од грбот на британската колонија Гилбертови и Елиски Острови, само со проширени брановидни ленти и позадина. Знамето и грбот на британската колонија биле направени во 1932 година.

Дизајн

Знамето е составено од црвена позадина во горниот дел на знамето, а во долниот дел на знамето има приказ на три брановидни бели и три брановидни сини ленти. Над брановидните ленти има изгрев на златно сонце со 17 краци, а над сонцето има златна птица фрегата. Размерот на знамето е 1:2.

Симболизам

Белите ленти ги претставуваат трите островски групи од кои е составена државата, а тоа се: Гилбертови Острови, Острови Феникс и Линиски Острови. Седумнаесетте краци на сонцето ги симболизираат шестнаесетте Гилбертски Острови и островот Банаба.

Официјалното толкување на симболите е следново:

• Птицата е фрегата, која симболизира моќ, слобода и кирибатски танцови шари.
• Изгревот на сонцето го претставува тропското сонце бидејќи Кирибати лежи во близина на екваторот.
• Морето е Тихиот Океан, каде и се наоѓа државата.

Поврзано

• Грб на Кирибати
• Кирибати

Надворешни врски

• Знаме на Кирибати, flagspot.net