Ефтим Гашев
Ефтим Гашев ( 1925 во Скопје – починал во 5 мај 2019 во Скопје)[1] — македонски писател и публицист,[2] ревносен поборник против комунизмот и против пропагандата на велико-бугарскиот, велико-српскиот и југословенскиот шовинизам. Еден е од членовите на Македонско национално движење - „Бунт“. Борец за Македонија на македонскиот народ, за независна и обединета македонска национална држава.
| Ефтим Гашев | ||
| Роден | 1925 Скопје | |
|---|---|---|
| Починал | 5 мај, 2019 година Скопје | |
| Занимање | писател, новинар, публицист | |
Животопис
уредиГашев е роден во Скопје во 1925 година. Образованието го завршил во родниот град. Тој е еден е од членовите на Македонско национално движење - „Бунт“ организација основана во Скопје, на 30 мај 1938 година. Во 1945 година бил осуден на 12 години робија како македонист. Објавил затворски мемоари и три книги со афоризми. Напишал и неколку необјавени монодрами. Добитник е на неколку награди за афоризам. Објавувал и дневнополитички карикатури. Член е на Друштвото на писатели на Македонија. Тој е автор на книгите: „Сончогледи“, „Нашата кауза“, „Непокор“, „Аритмија“ и др. Во 2015 година својата лична архива ја подарил на Државниот архив на Македонија.[3]
Наводи
уреди- ↑ „На 94 години почина Ефтим Гашев, публицист и осуденик за македонската кауза“. Република. 5 мај 2019. Архивирано од изворникот на 2022-04-27. Посетено на 2022-05-05.
- ↑ Македонски писатели, Друштво на писатели на Македонија, Скопје, 2004, стр. 56.
- ↑ Државниот архив ја презеде личната архива на Ефтим Гашев[мртва врска]
Надворешни врски
уредиНепокорноста ни е во генот - Интервју со Ефтим Гашев