Доријан Длака

Доријан Длака (6 ноември 1997, Скопје) - македонски пејач.

Доријан пее, свири гитара и танцува, а се занимава и со моделство учествувајќи на македонската модна недела во Скопски саем во 2005 и 2006.

Започнал да настапува на 7 години, на фестивалот Супер ѕвезда како хорист и танчер, а потоа продолжил како солист.

Во 2008 настапувал на националното финале за Детска Евровизија 2008 и го освоил второто место.

Во 2010 патуваше во Белорусија како член на македонската делегација на Детска Евровизија 2010 и беше придружен танчер.

Во 2011 победи на националното финале за Детска Евровизија 2011 и ја претставуваше Македонија со песната „Жими овој фрак“ во Ереван, Ерменија.