Дворец на баронот Јовановиќ во Сочица

Дворец на баронот Јовановиќ — дворец кој се наоѓа во Сочица, во општина Вршац. Изграден е на почетокот на 19 век, и е под заштита на Република Србија како споменик на културата во категоријата недвижно културно наследсто од големо значење.

Опис

Објектот класично е составен како приземна зграда со правоаголна основа. Главната фасада е симетрична, со централна проекција истакната со поткровје на врвот со украсна вазна, со нагласени хоризонтални споеви. Дворната фасада е поскромна, а може да се претпостави дека тремот е подоцна дограден. Заштитните шипки од ковано железо на прозорците се декоративни, додека нанесениот мотив на венец е украс кој му се припишува на класицизмот.^[1]

Дворецот го изградил баронот Јовановиќ. Со текот на времето ги сменил сопствениците, па имотот во 1832 година го купил Чико Селаш. Д-р Нестор Месаровиќ и неговите деца го купиле имотот во 1857 година, а потоа имотот го купила Бела Мајтењи. Денес, во дворецот е сместена локалната администрација^[2]