Г-н Џонс

„Г-н Џонс“ (англиски: Mr. Jones) — филм на режисерката Агнишка Холанд (Agnieszka Holland) од 2019 година, снимен по сценариото на Андреа Халупа (Andrea Chalupa). Главните улоги ги играат: Џејмс Нортон (James Norton), Ванеса Кирби (Vanessa Kirby), Петер Сарсгард (Peter Sarsgaard), Џозеф Мол (Joseph Mawle), Фенела Вулгар (Fenella Woolgar) и Кенет Кренам (Kenneth Cranham). На Берлинскиот филмски фестивал, филмот бил номиниран за наградата „Златна мечка“.

Синопсис

Во 1933 година, Герет Џонс, кој се прославил како првиот странски новинар кој летал заедно со Хитлер, работи како советник на Лојд Џорџ и ја бара својата нова голема приказна. Него го интересира како Сталин ја финансира брзата модернизација на Советскиот Сојуз. Џонс успева да ги измами надлежните советски органи и тајно патува во Украина, каде е сведок на страшни глетки: милиони луѓе гладуваат зашто државата го продава житото во странство за да се финансира индустријализацијата на земјата...