Грб на Намибија
Грб на Намибија е официјален грб на државата кој е во употреба од 1990 година. Грбот е составен од штит на кој е прикажано националното знаме. Над штитот има приказ на орел со зелена лента во канџите на која има шест златни коцки во дијамантска форма. Штитот го држат две антилопи што ги симболизираат храброста, елеганцијата и гордоста на народот. Под штитот има орнамент од локална флора која симболизира опстанок и национален напредок. Под самиот орнамент има бела лента со натпис „Единство, слобода, правда“ или на англиски Unity, Liberty, Justice.
