Моларна маса

Моларна маса претставува масата која ја поседува еден мол од дадена супстанца. Моларната маса на дадена супстанца е бројно еднаква со релативната молекулска маса на супстанцата односно со релативната атомска маса на елементот.

Моларна маса
Симболи	M
SI-единица	kg/mol
Други единици	g/mol

Така, еден мол водород поседува маса од 1,008 г, еден мол кислород поседува маса од 15,9994 г, додека пак, еден мол азотот поседува маса од 14,0067 г итн.

Имајќи предвид дека бројот на молкули во еден мол супстанца изнесува $6{,}022\cdot 10^{23}$, може да се пресмета масата на молекулата. На пример, апсолутната маса на молекулата од кислород е:

${Ao \over 6{,}02\cdot 10^{23}\,\mathrm {mol} ^{-1}}={32\,\mathrm {g/mol} \over 6{,}02\cdot 10^{23}\,\mathrm {mol} ^{-1}}=5{,}32\cdot 10^{-23}\,\mathrm {g}$

На ист начин како што се определува апсолутната тежина на кислородот, може да се определи и апсолутната тежина на атомот од кислород:

${Ao \over 6{,}02\cdot 10^{23}\,\mathrm {mol} ^{-1}}={16\,\mathrm {g/mol} \over 6{,}02\cdot 10^{23}\,\mathrm {mol} ^{-1}}=2{,}66\cdot 10^{-23}\,\mathrm {g}$