Градско собрание (Ростов)
Градското собрание на Ростов — здание во областа Ленински во Ростов на Дон, Русија. Градбата се наоѓа на улица Болшаја Садоваја бр. 47 (руски: Большая Садовая улица, 47) на раскрсницата на улицата Болшаја Садоваја и Семашко. Зградата е дизајнирана во стилот на Beaux-Arts. Градбата е призната како историска знаменитост, има официјален статус како објект на руското културно наследство и ја содржи управата на Ростов на Дон. [1]
Историја
уреди,_1902.jpg)
Владата на Ростов на Дон се согласила да изгради нова куќа на Градската дума во средината на 1890-тите. Ростовската градска дума во тоа време ја окупирала куќата на Максимов на плоштадот Базарнаја (денес улица Станиславского). [2]
Новото градско собрание го дизајнирал познатиот архитект Александар Померанцев. Во времето на изградбата на зградата, Померацев веќе се етаблирал како истакнат архитект во Ростов на Дон, откако проектирал и изградил неколку градски згради. По одредена дебата, договорот бил потпишан на крајот на 1896 година. Градското собрание на Ростов било изградено од 1897 до 1899 година. Осветено било во 1899 година [3].
Изградбата на градското собрание на Ростов чинело 513.627 рубли. Оригиналната вредност од 586.176 рубли пресметана од архитектот Померанцев не била одобрена во програмскиот буџет на Градската дума. Сепак, градското собрание на Ростов го надминал буџетот за повеќе од 28%. Првиот кат од централниот дел бил изнајмен од различни трговски организации. Овде се продавале суви производи, велосипеди, грамофони, тапети, мермерни производи, оптички додатоци, оружје, слатки. Градската Дума и Градското собрание ги заземале вториот, третиот и четвртиот кат. Ростовската Дума била отворена за јавноста. Имала 200 места на балконот на хорот и 40 седишта.
Во 1922 година избувнал пожар во зградата. Пламените јазици ја уништиле аголната купола. За време на Втората светска војна, Градското собрание било сериозно оштетено. Тоа било обновено набргу по завршувањето на војната. Овде се наоѓал Регионалниот комитет на Комунистичката партија на Советскиот Сојуз. [4]
Опис
уредиЗградата е дизајнирана во стилот на Beaux-Arts. Стилот е монументален и се смета за стил на Beaux-Arts со аксијална симетрија во план и еклектична надворешна орнаментика со изобилство на необарокни декоративни елементи. Тие вклучуваат многу елабориран релјеф, дорски пиластри, куполи картуси етикети и триаголен корниз над прозорците. Првиот кат е украсен со ленти рустикација.[5]
Наводи
уреди- ↑ „г.Ростов-на-Дону. Объекты культурного наследия (памятники истории и культуры) государственного (федерального) значения“. Официальный портал Правительства Ростовской области. Посетено на 2017-10-23.
- ↑ B. C., Кукушин (1995). История архитектуры Нижнего Дона и Приазовья. Эклектика. Rostov-on-Don: ГинГО. стр. 275. ISBN 5-88616-027-2.
- ↑ С. Д., Швецов (1982). На высоком донском берегу: Очерки из прошлого Ростова. Rostov-on-Don. стр. 44–47.
- ↑ „Ростов-на-Дону“. km.ru. Архивирано од изворникот на 2016-03-04. Посетено на 2017-10-28.
- ↑ Черницына В. А., Есаулов Г. В. (2002). Архитектурная летопись Ростова-на-Дону. Rostov-on-Don. стр. 133–34. ISBN 5-8456-0489-3.