Големо гушанче
| Големо гушанче | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Трскари |
| Род: | Hippolais |
| Вид: | Големо гушанче |
| Научен назив | |
| Hippolais olivetorum (Strickland, 1837) | |
Големото гушанче или маслинар (науч. Hippolais olivetorum) е мала врапчевидна птица од семејството на трскарите (Acrocephalidae), од родот на дрвните трскари (Hippolais). Се размножува низ југоисточна Европа и Близок Исток. Ја има и во Македонија. Птица преселница е, што зимува во источна и јужна Африка, од Кенија до Јужна Африка.
Опис уреди
Оваа птица е со средна големина од трскарите, но најголем од гушанчињата. По големина е колку дамчестото грмушарче, долго околу 15,5-17 см, со малку подолг клун и пократка опашка. Главата му е сплескана, крилјата долги, а нозете тешки. Одозгора е сивкавокафеав, а одоздола валканобел.
Поведение уреди
Живеалиштето на оваа птица се отворените дабови шуми, насадите со маслинки, овоштарниците и плантажите со бадеми.
Се храни, како и другите трскари, со инсекти.
Гнездото го гради на мали дрвја или во грмушки и несе 3-4 јајца.
Песната му е спој од чкрипење и врескање, малку пониско од другите трскари, а исто така, и поспоро.
Статус уреди
Во Европа, што сочинува 95% од вкупниот број, има 11.000-23.000 пара од овие птици, односно околу 33.000 - 69.000 поединци.[2] Според Црвениот список на МСЗП оваа птица е класифицирана како вид со најмала загриженост.
Наводи уреди
- ↑ BirdLife International (2012). „Hippolais olivetorum“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ BirdLife International 2004