Глупачките не одат на небото

Глупачките не одат на небото (шпански: Las Tontas No Van Al Cielo) е хумористична мексиканска теленовела. Теленовелата во Мексико со прикажување започна на 11 февруари во ударниот термин. Впрочем, продуцент на серијата е Роси Окампо, која ја направи популарната Грдата Лети. Хаиме Камил, главниот глумец од истоимената серија исто така се појавува и овде како главен машки лик. Серијата е мешавина од хумор и драма т.н “телекомедија”. Во Мексико серијата бележи гледаност од високо ниво.

Глупачките не одат на небото
Податотека:LasTontasNoVanACielo.jpg Постер од серијата
Жанр	комедија теленовела
Создадена од	Енрике Торес
Улоги	Жаклин Бракамонтес Хаиме Камил Валентино Ланус Фабиола Кампоманес
Воведна тема	Esto es lo que Soy, Recodo
Земја на потекло	Мексико
Првичен јазик	шпански
Бр. на епизоди	140
Производство
Извршен продуцент(и)	Роси Окампо
Времетраење	45 минути
Прикажување
Првична мрежа	Телевиса
Првично прикажување	11 февруари 2008 – 22 август 2008
Хронологија
Следбеник	Удар во срцето (2008/9)
Надворешни врски
Мрежна страница	esmas.com/lastontasnovanalcielo

Синопсис

Колку трае љубота во бракот? Три години, еден месец, еден ден? Кенди се мажи за мажот од нејзиниот живот Патрисио, без да размислува дека среќата ќе им трае само неколку часа. Кенди се запознава со мажот од нејзиниот живот случајно на нејзиниот 15 роденден – наскоро Патрисио и станува дечко и центарот на целиот свет. Кенди е многу среќна и може да ја сподели нејзината сестра со нејзините сестри Алисија и Вероника, со кои е многу блиска. После некое време Алисија заминува да живее во Тихуана, а Вероника умира подоцна за време на пластична операција за намалување на стомакот. Смртта на Вероника засекогаш ќе го промени мислењето на Кенди кон пластичната хирургија. Кога Патрисио и предлага брак на Кенди, таа веднаш прифаќа, убедена дека и двајцата ќе бидат заедно за целиот живот. На 19 години Кенди води љубов за првпат, само една недела пред свадбата со Патрисио. Алисија пристигнува на свадбата на Кенди и таа ја моли за прошка бидејќи се чувствува одговорна бидејќи Алисија требала да ја заврши балетската кариера пред неколку години. Алисија и простува или така си мисли Кенди. Меѓутоа, она што Кенди не го сфатила е што претходната вечер Алисија за време на ергенската забава на Патрисио го вовлекла во хотелската соба, за да ја постигне одамнешната цел – да води љубов со Патрисио. Патрисио е силно вљубен во Кенди и покрај сериозната препрека од неговиот татко милионер, тој е решен да се ожени со сиромашната девојка, ќерката на еден до слугите на татко му. Но, и тоа му дава можност за едно мало одмаздување кон татко му, кој е алкохоличар и ја малтретира неговата мајка. Патрисио не е готов да ја загуби љубовта на животот, поради ноќта, помината со Алисија и тој е исплашен да не и открие нешто на сестра и. Но, на свадбата, точно кога мисли дека се е идеално, една работа ќе и го промени животот на Кенди. Таа го поканила нејзиниот чичко Мењо, кој е исфрлен од семејството поради тоа што е геј. За да избегне скандал, Мењо си заминува, оставајќи и пари како подарок на Кенди. По некое време Патрисио и Алисија се затвораат во една соба, за да ја коментират минатата ноќ, и Кенди кога се качува да ги промени обувките, влегува точно, кога Алисија и Патрисио се бакнуваат. Патрисио се обидува да и објасни, но Кенди ги зема парите, кои и ги подарил нејзиниот чичко, за да замине во Гвадалахара и да избега од ситуациите. Во Гвадалахара, Кенди оди да живее со нејзиниот чичко Мемо, без да знае, дека таа забременила од Патрисио од единствениот пат кога биле заедно. Мењо, по идеја на Кенди, прави семејството да и поверуваат дека таа е почината. После неколку месеци се раѓа и синот на Кенди, Салвадор. Минуваат седум години, во кои Кенди работела напорно, да го одгледа нејзиниот син. Животот и се променил и сега е посигурна и порешителна. Кенди е многу заљубена во фудбалот, и нејзиниот омилен тим е Las Chivas. Таа толку го сака спортот, што е и тренер на детскиот тим, во кој тренира нејзиниот син. Тогаш се појавува Сантјаго, привлечен пластичен хирург со двоен живот. Од една страна, е добар татко на неговата ќерка, која ја одгледува сам, откако неговата жена го напуштила заради кариерата; а од друга страна е неверојатен женкар. Во Кенди постојано се борат љубовта против независноста, а врската со Сантјаго ќе треба да и помине и во други насоки. После некое време Кенди почнува да пишува неделна колумна во списание кое се вика “Глупачките не одат на небото”. Кога колумната станува успешна, возможноста да работи во полза на жените, станува реалност на Кенди. Сантјаго, без да мисли, продожува да раководи со клиниката, посветена на физичката убавина, а Кенди повеќе е заинтересирана за внатрешната убавина. Нивните различни мислења стануваат постојани – таа ги краде пациентите на Сантјаго, а тој ги бојкотира нејзините идеи. Освен различноста помеѓу нив, се појавува и друга пречка во нивната љубов, Патрисио, кој сега е женет за Алисија, открива дека Кенди е жива и има дете од него. Што ќе биде со Кенди – ќе се избори ли со нејзиниот маж, кој има само половина од барањето на нејзните мисли, или ќе и прости на љубовта на нејзиниот живот и таткото на нејзиното дете?

Улоги

• Карактеризација на ликовите

Глумци	Ликови
Жаклин Бракамонтес	Кенди
Хаиме Камил	Сантјаго
Валентино Ланус	Патрисио
Сабин Моусиер	Мариса
Фабиола Кампоманес	Алисија
Хулио Алеман	Артуро
Мануел Ибањез	Мењо
Маурицио Херера	Хаиме

Прикажување на Балканот

Албанија: Визион +
Словенија: Поп Телевизија

Надворешни врски

• Официјално мрежно место