Гвинед

Гвинед (англиски: Gwynedd; велшки: Gwynedd) — област во северозападен Велс, наречена по Кралство Гвинед. Оваа област е втора по големина во земјата и меѓу најретко населените. Голем дел од населението говори велшки јазик. Името Гвинед се однесува и на зачувана грофовија, која ги опфаќа областите Гвинед и Англси. Во културна-историска смисла, името важи за целиот Северен Велс, кајшто се протегало некогашното Кралство Гвинед. Денес површината изнесува 2.548 км².

Гвинед
Gwynedd

Географија
Површина - Вкупно - % вода	II место 2.548 км2 ? %
Админ. центар	Карнавон
Најголем град	Бангор
ISO 3166-2	GB-GWN
ONS	00NC (ONS) W06000002 (GSS)
Демографија
Население: - (2011) - Густина	XIV место 121.900 XX место 47 жит/км2
Народност	99,0% Белци
велшки - Секое ниво	I место 76,1%

Најважна висоокбразовна установа во Гвинед е Бангорскиот универзтет во градот Бангор. Најзначајна природна знаменитост е живописниот полуостров Лин и Националниот парк Сноудонија.

Историја

Поглед на Тремадошкиот Залив

Грофовијата Гвинед од 1974 до 1996 г. со островот Англси

Главна статија: Кралство Гвинед

Гвинед бил независно кралство од крајот на римскиот период, па сè до XIII век, кога потпаднал под англиска власт. Денешен Гвинед е еден од осумте грофовии во земјата создадени во 1974 г. врз основа на целините во некогашното кралство. Ги опфаќал старите грофовии Англси, Карнавоншир и Мерионетшир со исклучок на Едејрнион (кој е во Клуид), како и неколку реони во Денбишир: Ланруст, Лансанфрајд Глан Конви, Еглујсбах, Ландогед и Тир Иван.

Познати личности

• Вејн Хенеси — голман во Фудбалската репрезентација на Велс, играч за ФК „Вулверхемптон Вондерерс“
• Т.Е. Лоренс, наречен „Лоренс од Арабија“ — офицер и деец на Блискиот Исток
• Дејвид Лојд Џорџ — премиер на Велика Британија
• Дафи — соул-пејачка.
• Брин Тервел — оперски пејач

Поврзано

• Национален парк Сноудонија
• Области во Велс

Надворешни врски

• Гвинед на Curlie (англиски)
• Совет на Гвинед (англиски)