Волчјак (планински врв)
| Волчјак | |
|---|---|
 Поглед од север на највисоката кота на Волјчак | |
| Висина | 1.159 м |
| Место |  Македонија
|
| Венец | Серта |
| Прво освојување | непознато |
| Најлесна патека | дрварски пат од с.Лубница |
Волчјак (на месен говор В'чјак или В'лчак) — највисок врв и гребен на планината Серта во источниот дел на Македонија, помеѓу Повардарието и областа Лакавичко во Радовишко. Неговата надморска височина изнесува 1159 метри[1]. Сместен е на истоимениот издолжен планински гребен со меридијански правец на протегање север - југ во средишниот дел на планината Серта (Конечка Планина). Поточно, сместен е во средишниот дел на раздробеното планинско било, со неопределен срт, југозападно од радовишкото село Конче и на север од течението на Вардар во Демиркаписката Клисура[2] Од врвот се пружа извонредна глетка на целата планина Серта, долината на Вардар со клисурата и гратчето Демир Капија и планината Кожуф на запад, Гевгелиско-валандовската котлина на југ, планината Пирин на исток и планините Клепа и Мокра на север. На самиот планински гребен има присуство на доста волци и друг дивеч, поради што најверојатно го добил и името. Источната падина на Волчјак кон Радовишко е обрасната со букова шума, но е многу обесшумена и опустошена од дрвосеча.
Галерија
уреди-
Врвот Волчјак на сртот на Серта -
Највисокиот врв и гребенот Волчјак во средишниот дел на Серта -
Врвот Волчјак -
Источната падина на гребенот и врвот Волчјак
Наводи
уреди- ↑ „Студија за геодиверзитетот и геонаследството на Република Македонија и другите компоненти на природата (биолошка и пределска разновидност)“ (PDF). Скопје: Министерство за животна средина и просторно планирање. 2016. стр. 119. Посетено на 16 јануари 2024.
- ↑ Шаревски, Марио (2018). „Планинарски предизвик 12 Врвови“ (брошура). Алгасан, ПД „Трансверзалец“, Единствена Македонија. стр. 6.