Волфен (Германија)

Волфен (германски: Wolfen) — град во округот Анхалт-Битерфелд, Саксонија-Анхалт, Германија. Од 1 јули 2007, е дел од градот Битерфелд-Волфен. Се наоѓа околу 6 километри северозападно од Битерфелд и 20 километри јужно од Десау.

Во раните 1920-ти првиот филм во боја во светот бил произведен од AGFA во Волфен. По Втората светска војна името било ORWO (ORiginal WOlfen). ORWO била единствена светска трговска марка на ГДР. За време на Источна Германија, Волфен станал дом на повеќето луѓе кои работеле во индустриските зони Битерфелд и Волфен (Filmfabrik Wolfen, Chemiekombinat Bitterfeld (вклучувајќи ја и поранешната Farbenfabrik, Wolfen)) и рударската компанија BKK Bitterfeld (денес: MIBRAG). По германското обединување, целата област страдала од дезинвестирање, деиндустријализација и отселување на населението; невработеноста станала сериозен проблем. Намалувањето на населението за околу 50% се должело на овие проблеми. Од 1990-ти индустриската вработеност повторно се подобрила со Bayer, Hereaus, Q-Cells и Guardian Industries.