Воено-медицинска академија (Србија)
Воено медицинска академија на Универзитетот за одбрана (скратено ВМА), е воен болнички центар во населбата Бањица во Белград, Србија.
| Воено-медицинска академија | |
|---|---|
 | |
| Географија | |
| Местоположба | Србија
.jpg) |
| Историја | |
| Основана во | 2 март 1844 |
Основанa во 1844 година. Тaa е дел од српските вооружени сили и главно е наменет да им служи на офицерите и војниците, иако е отворен и за цивили.[1] Таа е позната по својот висок стандард во медицинската пракса и генерално се смета за најдобра медицинска установа во земјата.[1]
Историја
уреди
Воено-медицинската академија го слави 2 март 1844 година како датум на основање. На тој ден, принцот Александар Караѓорѓевиќ потпишал декрет за основање на првата „Централна воена болница“ на темелите на воената болница во Белград.[2]
Во 1909 година започнала изградбата на новата зграда на „Општата воена болница“ со 400 легла на располагање, во Врачар. Било планирано да биде најнапредната болница на Балканот.
Болницата уште еднаш го сменила името во „Главна воена болница“ во 1930 година. Работела под Одделението за здравство на Министерството за одбрана на Кралството Југославија.
Во 1949 година, болницата била преименувана во „Воено медицинска академија“, името што го носи до денес. Во 1960 година, Собранието на Југославија донело „Акт за Воено-медицинската академија како врвна воено-медицинска, образовна и медицинска истражувачка институција“, со што дополнително го контурирал нејзиниот врвен статус во здравствениот систем на Србија, а потоа и на СФР Југославија.
Во 1982 година, по пет години изградба, Воено-медицинската академија се преселила во новиот медицински комплекс, еден од најголемите во Европа и најголемата поединечна болничка зграда во Србија.[3][4]
Во 2007 година, Воено-медицинската академија била функционално интегрирана во Националниот здравствен систем, обезбедувајќи здравствена заштита и на цивилите.[5] Овој договор е направен помеѓу Министерството за одбрана и Министерството за здравство на Република Србија.[5] Во 2011 година, Воено-медицинската академија станала составен дел на новоформираниот Универзитет за одбрана, заедно со Воената академија.[6]
Годишно, со расположливи 1.200 кревети (заклучно со 2018 година) се хоспитализираат околу 35.000 пациенти, се прават околу 20.000 хируршки интервенции и се вршат над половина милион специјалистички прегледи.[1]
Зграда
уреди
Сместена на ридот Бањица во Белград, комплексот на Воено-медицинската академија зафаќа површина од 21 хектар.
Дизајнирана е од наградените архитекти полковник Јосип Осојник и Слободан Николиќ. Нивниот проект победил на натпреварот во 1973 година.[7] Изградбата била завршена во 1981 година и болницата официјално се преселила во нова зграда и започнала со работа на 1 јануари 1982 година.[7]
Самата болничка зграда е 14-катница која опфаќа 180.000 квадратни метри простор и е поделена на повеќе од 60 различни техничко-технолошки единици, што ја прави најголемата единечна болничка зграда во Србија.[7]
Награди и признанија
уредиВоено-медицинската академија носи многу одликувања, награди, признанија и благодарници од кои најзначајни се следните:[8]
- Награди
- Орден на Свети Сава, прв ред
- Орден за братство и единство со златен венец доделен од Претседателството на Југославија (1990)
- Медал на Република Српска (1993)
- Медал на Никола Тесла, прв ред
- Медал на појасот на Република Српска (2013)
- Орден на ѕвездата на Караѓорѓе, трет ред (2014)
- Признанија
- Супербренд на Србија во доменот на здравје и убавина (2007)
- Наградата „Најдоброто од Србија“ од Стопанската комора на Република Србија
- Најдобар корпоративен бренд во областа на медицината и здравствената заштита од Економски преглед и Министерството за трговија и услуги
- Награда „22 декември“ за архитектура на болничкиот комплекс
Наводи
уреди- ↑ 1,0 1,1 1,2 Davidov-Kesar, Danijela (6 September 2018). „Nijedan pacijent ne sme biti vraćen sa praga Vojnomedicinske akademije“. politika.rs (српски). Посетено на 8 December 2018.
- ↑ Davidov-Kesar, Danijela (2 March 2016). „Vojnomedicinska akademija obeležila 172 godine rada“. politika.rs (српски). Посетено на 8 December 2018.
- ↑ „Najveći građevinski poduhvati u Srbiji modernog doba“. opusteno.rs (српски). 5 September 2011. Посетено на 8 December 2018.
- ↑ Majdin, Zoran (15 December 2004). „Vodič za kupce“. vreme.com (српски). Посетено на 8 December 2018.
- ↑ 5,0 5,1 Radivojević, Biljana (30 December 2007). „Ne tražimo privilegije“. novosti.rs (српски). Посетено на 8 December 2018.
- ↑ „Osnovan Univerzitet odbrane u Beogradu“. blic.rs (српски). Tanjug. 25 February 2011. Посетено на 8 December 2018.
- ↑ 7,0 7,1 7,2 „O zgradi VMA“. vma.mod.gov.rs (српски). Архивирано од изворникот на 2014-03-13. Посетено на 8 December 2018.
- ↑ „О VMA - Nagrade i priznanja“. vma.mod.gov.rs (српски). Посетено на 8 December 2018.