Вилхелмин Рајхард
Јохане Вилхелмин Зигмундин Рајхард (родена Шмит) (2 април 1788, Брауншвајг, Германија – 23 февруари 1848 година, Долен, Германија) [1] била првата германка жена-балонист.
Биографија уреди
Рајхард била ќерка на носител на пехар на Војводството Брунзвик-Линебург. Таа се омажила за хемичарот и физичар Јохан Готфрид Рајхард во 1807 година, а нивното прво дете се родило во 1807 година. Семејството се преселило во Берлин во 1810 година. Истата година Јохан Готфрид Рајхард го направиl својот прв лет со самоконструиран гасен балон од Берлин, што го прави вториот човек што летал со гасен балон во Германија.
На 16 април 1811 година Вилхелмин Рајhард го направиla својот прв соло лет, почнувајќи од Берлин. Таа достигнаla висина од над 5000 метри и безбедно слетала во Геншаген, 33.5 километри од нејзината почетна точка. Ова не бил прв соло лет на жена во Германија; Французинката Софи Бланшар претходно летала во септември 1810 година, почнувајќи од Франкфурт. Третиот лет на Рајхард во 1811 година достигнал висина од приближно 7800 метри. Поради висината изгубила свест и нејзиниот балон паднал во шума; тешко повредена, ја спасиле локални фармери.[2]
После некои тешкотии за време на Наполеонските војни, нејзиниот сопруг сакал да купи хемиска фабрика во Долен. За да ги собере парите, Вилхемин Рајхард извршил уште неколку летови. Нејзиниот прв лет по несреќата во 1811 година се случил во октомври 1816 година Подоцна остварила уште еден лет за време на Конгресот на Екс-ла-Шапел во Ахен во 1818 година. Летовите во Прага и Виена ја направиле позната и во Австроунгарија. Нејзиниот последен лет бил во октомври 1820 година, почнувајќи во Минхен на Октоберфест, кој се одржал на 10-годишнината од првиот Октоберфест. Во 1821 година започнала со работа хемиската фабрика.
Сопругот на Вилхелмин спроведувал летови со балон до 1835 година. Тој умрел во 1844 година, а Вилхелмин раководела со хемиската фабрика до нејзината смрт во 1848 година.
Наводи уреди
- ↑ Monjau, Heide (2003) "Reichard, Johanne Wilhelmine (Minna) Siegmundine ". Нова германска биографија (NDB). 21. Berlin: Duncker & Humblot. стр. 293 et seq.. (цел текст)
- ↑ Reichard, G (1812). „Beschreibung der von Wilhelmine Reichard, geb. Schmidt, unternommenen dritten Lfuftfahrt“. Allgemeine Literatur-Zeitung (German).CS1-одржување: непрепознаен јазик (link)
Поврзано уреди
- Heide Monjau (2009). Wilhelmine Reichard: Erste Deutsche Ballonfahrerin 1788 Bis 1848 Eine Dokumentarische Biographie (German). ISBN 978-3-00-003051-2.CS1-одржување: непрепознаен јазик (link)
- Haude, Rüdiger (2007). Grenzflüge: politische Symbolik der Luftfahrt vor dem Ersten Weltkrieg : das Beispiel Aachen (German). ISBN 978-3-412-20059-6.CS1-одржување: непрепознаен јазик (link)
- „Wilhelmine Reichard“ (German). Stadtwiki Dresden.CS1-одржување: непрепознаен јазик (link)
- Probst, Ernst (2010). Wilhelmine Reichard (German). doi:10.3239/9783640545742. ISBN 978-3-640-54574-2.CS1-одржување: непрепознаен јазик (link)