Вариска култура

За несродниот народ видете народ Вари.

Вариската култура (шпански: Huari) била култура која се развила пред Инките во регионот на Андите, поточно во јужниот дел од брегот на Перу во периодот од 500 до 900 година. Главниот град на оваа култура бил Вари и се наоѓал на околу 25 км североисточно од денешниот град Ајакучо во Перу. Овој град бил центар на цивилизацијата која покривала голем дел од висорамнините и брегот на Перу. Подоцна, државата се проширила и го зазела градот Пачакамак, иако се верува дека имал одредена автономија. Исто така, во склоп на Вариската култура или држава влегле и Моче културата, а подоцна и Чиму културата. Најдобрите археолошки остатоци од Вариската култура постојат во градот Квинуа познати како Вариски остатоци. Исто така познати се остатоците и во близина на градовите Чиклајо и Пикилакта.

Култура Вари Wari
500–900
Среден хоризонт.
Главен град	Вари
Говорени јазици	Ајмарски јазик и други.
Вероисповед	локална андска религија
Уредување	непознат
Историски период	пред-колумбиска
• Основана	500
• Престанала да постои	900
Претходници Наследници Тиванаку култура Хуарпа култура Лима култура Насканска култура Империја Вари

Се верува дека Варите го измислиле терасното земјоделство, начин на одгледување кое подоцна го усовршиле и Инките. Мајчиниот јазик на Варите се верува дека бил кечуанскиот јазик, но со споредбено и историско проучување на андските јазици се довело до верување дека мајчиниот јазик бил форма на ајмарскиот јазик. Вариската култура почнала за исчезнува во 800 година, а во 900 година и градот Вари исчезнал.

Поврзано

• Империја Вари
• Јужна Америка
• Моче култура
• Ајмари
• Кечуани

Користена литература

• Collier, Simon et al. (Ed.) (1992). The Cambridge Encyclopedia of Latin America and the Caribbean (Second. изд.). Cambridge University Press. ISBN 0-521-41322-2.CS1-одржување: повеќе имиња: список на автори (link)

Надворешни врски

• Проект Ајакучо Архивирано на 5 февруари 2009 г.