Боргеска галерија
Боргеската Галерија (итал. Galleria Borghese) е уметничка галерија сместена во поранешната палата Вила Боргезе Пинчијана, опкружена со огромен парк во центарот на Рим. Галеријата изложува значаен дел од Колекцијата Боргезе на слики, скулптури и антиквитети, која почнал да ја собира кардиналот Скипионе Боргезе (1576 – 2 октомври 1633), внук на папата Павле V. Вилата била изградена од архитектот Фламинио Понцио врз основа на нацрти од Скипионе како вила за излети и забави на ридот Пинчио, на периферијата на тогашниот град, и целосно била завршена во 1633.
 | |
 | |
| Основан | 1903 |
|---|---|
| Место | Вила Боргезе, Рим |
| Директор | Ана Колива |
| Мреж. место | www.galleriaborghese.beniculturali.it |
Скипионе бил првиот патрон на Џан Лоренцо Бернини и посветен собирач на дела од Караваџо кој денес е претставен во галеријата со сликите „Момче со кошница овошје“, „Свети Ероним“, „Болниот Бахус“ и други. Други значајни слики се „Света и земна љубов“ од Тицијан, „Погребението Христово“ од Рафаел и дела од Петер Паулус Рубенс и Фредерико Барочи.
Една од погодностите на галеријата е тоа што е компактна и сместена во само 20 простории на два ката, така што може да се разгледа за помалку од 2 часа.
Во 1808 година принцот Камило Филипо Лудовико Боргезе, зет на Наполеон,[1] бил присилен да му ја продаде колекцијата на римски скулптури и антиквитети на императорот. Поради тоа, „Боргескиот гладијатор“, позната и најценета скулптура од колекцијата, денес се наоѓа во Лувр. Самата Паулина пак, позирала полуоблечена за статуата „Венус Виктрикс“ (1805) од Канова, која се наоѓа во приземјето на галеријата.
Колекции
уредиСкулптури и мозаици
уредиНа приземјето се сместени класични антиквитети од 1.-3. век, вклучувајќи го и мозаикот со гладијатори кој бил откриен на друго место во Рим во 1834. Од класичните и неокласичните скулптури се издвојуваат „Венус Виктрикс“ од Канова, и голем број дела од Бернини.
Бернини во галеријата Боргезе
уредиМногу од скулптурите на Бернини се изложени токму на местата за кои биле планирани. Некои од позначајните се „Јарецот Амалтеа со бебето Јупитер и Фаун“ (1615),[2], „Аполон и Дафне“ (1622–25)[3] и „Давид“ (1623)[4] кои се сметаат за зачетници на барокната скулптура.
Слики
уредиНа горниот кат се сместени поголемиот дел од вредните дела од Тицијан, Рафаел, Караваџо, и други познати мајстори.
Колекција на музички инструменти
уредиОваа колекција е составена од инструменти од западните и античките култури (Египетска, Грчка и Римска, како и инструменти од Америка, Африка и Океанија. Колекцијата на музејот му ја подарил оперскиот пејач Еван Горга и е најголемата колекција подарена на музејот.[5][6]
Музеи во близина на галеријата
уредиВо паркот на Вилата Боргезе се сместени Националната галерија на модерна уметност со дела од италијанската уметност од 19. и 20. век, и Националниот музеј на Етрурска уметност кои содржи дела од пред-римско време пронајдени во околината на Рим.
| „Боргеска галерија“ на Ризницата ? |
Надворешни врски
уреди- Официјална страница на англиски Архивирано на 25 февруари 2021 г.
- Архитектурата и градините на Вила Боргезе (англиски)
- Критики за Галеријата Боргезе Архивирано на 20 август 2008 г.
- Сателитска фотографија на галеријата и околните паркови
Наводи
уреди- ↑ Принцот Камило Филипо Лудовико Боргезе се оженил со Паулина, сестрата на Наполеон.
- ↑ Web Gallery of Art, image collection, virtual museum, searchable database of European fine arts (1100-1850)
- ↑ „Apollo and Daphne by BERNINI, Gian Lorenzo“. Архивирано од изворникот на 2005-11-15. Посетено на 2008-12-07.
- ↑ Web Gallery of Art, image collection, virtual museum, searchable database of European fine arts (1100-1850)
- ↑ http://davidson.weizmann.ac.il/upload/(FILE)1167921594.pdf[мртва врска]
- ↑ „National Museum of Musical Instruments“. Архивирано од изворникот на 2005-10-25. Посетено на 2008-12-07.