Бегалски камп (Кара Тепе)
Кара Тепе (грчки: Καρά Τεπέ, од турски значи „црн рид“) се наоѓа на околу 2,5 километри северно од Митилена, главниот град на островот Лезбос. [1] Кампот е управуван од општина Митилена и УНХЦР во соработка со невладините организации кои работат таму. Менаџер на локацијата е г-дин Михаил Бацакис.
Целта на кампот е да обезбеди привремено сместување за барателите на азил додека ги чекаат процесите за регистрација. [2] Кара Тепе бил преливна локација за бегалскиот камп Морија, главниот центар за регистрација во Грција и најголемиот бегалски камп во Европа, [3] познат како „жариште“ и основан од грчката влада преку која ќе се обработуваат новите пристигнувања. [4] Првично, бегалците добиле мандат да поминат минимум 25 дена во кампот Морија пред да бидат префрлени во Кара Тепе, [5] меѓутоа поради пренатрупаноста на кампот Морија, повеќето останале многу подолго.
Мандатот на Кара Тепе е да ги смести ранливите семејства. Поголемиот дел од поединците кои живеат во кампот се со авганистанско, ирачко или сириско потекло. [2] Според истражувањето спроведено во декември 2016 година, барателите на азил поминувале во просек по четири месеци во кампот Кара Тепе. [1] Барателите на азил кои живеат во Кара Тепе можат секојдневно да ја напуштат и повторно да влегуваат на локацијата. Услугите на локацијата ги водат, во голем дел, неколку невладини организации, меѓу нив: IRC, Médecins du Monde, METAdrasi, SOS и.т.н. Лекари без граници има клиника во Митилини која ги опслужува пациентите од кампот Кара Тепе. [6]
Додека Кара Тепе е пофалена за инфраструктурата и атмосферата слична на заедницата, [5] жителите на Кара Тепе и администрацијата на кампот сè уште се соочуваат со голем број предизвици. Таквите предизвици вклучуваат: несоодветен пристап до електрична енергија, ограничен простор и ресурси за подготовка на храна, ограничувања за вработување и недостаток на насочени интервенции за менталното здравје за младите.
Во август 2017 година, капацитетот за сместување на Кара Тепе бил зголемен за 56% за да се направи простор за најмногу 1300 лица. УНХЦР објавил дека 260 нови сместувачки единици биле инсталирани во кампот во 2017 година. [7]
Откако пожарот во септември 2020 година го уништил кампот Морија, Кара Тепе станал главен камп на Лезбос за бегалци и баратели на азил. Грчката влада потоа одобрила изградба на нов затворен прифатен центар во Вастрија (во близина на селото Нес Кидониес) кој треба да биде завршен до летото на 2021 година [8]
Наводи
уреди- ↑ 1,0 1,1 „Asylum Seekers in lesvos, Greece, 2016-2017 (PDF Download Available)“. ResearchGate (англиски). Посетено на 2017-11-19.
- ↑ 2,0 2,1 Krikigianni, Christina (2016). „What Are the Reasons that Refugee Children Seek Emergency Health Care in Lesbos Island, Greece: A Cross-sectional study; Primary Data Collection“ (PDF). Uppsala University.
- ↑ „Oxfam condemns EU over 'inhumane' Lesbos refugee camp“. The Guardian. 2019-01-09.
- ↑ Wain, John F. 2017. “Shelter for Refugees Arriving in Greece, 2015-17.” Архивирано на 30 јуни 2022 г. Forced Migration Review 55. Accessed October 29, 2017.
- ↑ 5,0 5,1 „Searching for Dignity and Work in Kara Tepe Refugee Camp“. KENNEDY SCHOOL REVIEW (англиски). 2017-07-13. Архивирано од изворникот на 2017-07-26. Посетено на 2017-11-19.
- ↑ „Greece: MSF activity update – December 2017 | Médecins Sans Frontières (MSF) International“. Посетено на 2018-01-03.
- ↑ Refugees, United Nations High Commissioner for. „More speed needed to help refugees stranded in Greek islands“. UNHCR. Посетено на 2018-01-03.
- ↑ „Λέσβος / Ετοιμάζουν κλειστή δομή για τους πρόσφυγες στη Βάστρια“ [Lesvos / They are preparing a closed structure for the refugees in Vastria]. Αυγή (грчки). 2020-11-30. Посетено на 2020-12-10.