Арена „Стожице“

Арена „Стожице“ (словенечки: Arena Stožice) — повеќенаменска затворена арена сместена во Љубљана, Словенија. Дизајнирана е од словенечките архитекти „Садар + Вуга“ и е најголемата затворена арена во земјата. Се наоѓа во областа Бежиград, северно од центарот на градот. Арената е дел од спортскиот комплекс „Спортски парк Стожице“.

Арена „Стожице“

Местоположба	Љубљана, Словенија
Сопственик	Градска општина Љубљана
Оператор	Јавна установа Спорт Љубљана
Сместивост	12.480 (кошарка, ракомет, одбојка) 14.500 (музички настани) 10.500 (хокеј на мраз)
Површина	Прилагодливa
Изградба
Почнато со градба	2009
Изграден	2009–2010
Отворен	10 август 2010
Архитект	„Садар + Вуга“

Арената е домашен терен на кошаркарскиот клуб КК Цедевита Олимпија.

Историја

Арената го носи името по областа во која се наоѓа, а промена на името е можна во иднина поради спонзорски права. Заедно со фудбалскиот стадион е дел од спортскиот парк Стожице. Површината на зградата на арената е 14.164 квадратни метри. Изграден е за само 14 месеци и е отворена на 10 август 2010 година со кошаркарски натпревар помеѓу Словенија и Шпанија, кој го добила Шпанија со 79–72 по продолжение.

Арената има капацитет од 12.480 седишта за кошарка и се наоѓа во северо-западниот дел на паркот. Четирите нивоа на терени и долната, ВИП и горната трибина се покриени со купола во облик на школка. Арената се користи за спортови во затворен простор како што се кошарка, ракомет и одбојка и е дом на КК Цедевита Олимпија. Арената е дом на повеќето словенечки репрезентации во спортови во затворен простор, освен за хокеј на мраз, за кој арената не е соодветна, но може да биде прилагодена доколку се имплементираат уреди за ладење на мраз. Покрај стадионот, арената е исто така дизајнирана да биде домаќин на многу културни настани.

Арената Стожице била една од четирите сали-домаќини на Европското првенство во ракомет за жени во 2022, а исто така била кодомаќин на Европското првенство во кошарка за жени во 2023.

Галерија

• 
  Арена „Стожице“ за време на Европско првенство во кошарка 2013
• 
  Арена „Стожице“ во 2013 година
• 
  Арена „Стожице“ во 2013 година
• 
  Арена „Стожице“ во 2022 година
• 
  Арена „Стожице“ за време на бокс натпревар, 2011 година
• 
  Арена „Стожице“ за време на бокс натпревар, 2011 година
• 
  Арена „Стожице“ за време на концерт, 2013 година
• 
  Арена „Стожице“ за време на концерт, 2013 година