Амам (Градско Балдовци)

Амамот — поранешен амам кој се наоѓал во селото Градско Балдовци, Општина Струмица.

Амам
Општи податоци
Вид	амам
Стил	османлиска архитектура
Град	Градско Балдовци, Општина Струмица
Земја	Македонија
Почната	17 век

Амамот бил изграден северозападно од селото во месноста Бел Бунар, во близина на денешното спортско игралиште и реката Тркања. Според Стојан Митев жител на оваа село амамот бил сочуван до 1950 година. Но, по овој период тој целосно бил срушен.

Денес од амамот се сочувани само контури кои се под земја а во негова непосредна близина сè уште постои изворот Бојана од кој според Митев се снабдувал со вода. Имајќи ги предвид контурите и дел од фрагментите од некогашната ѕидарија од амамот и димензиите овој објект – бања е од типот семејни амами. За амамот не се сочувани податоци од кој бил изграден но употребата на градежниот материјал хоросан малтер, доцно средновековна тула која е присутна на локацијата изграден е во 17 век кога во струмичкиот регион било доселувано турско-османско население од Анадолија во руралните населби.