Алстер (река)
Алстер — десна притока на реката Елба во Северна Германија. Нејзиниот извор е близу Хенштет-Улцбург, Шлезвиг-Холштајн, тече прилично јужно и се влева во Елба во Хамбург. Во центарот на Хамбург, Алстер е заградена. Алстер создава две вештачки езера во самиот центар на Хамбург.
| Алстер | |
| Река | |
 Алстер во Хамбург
| |
| Земја | Германија |
|---|---|
| Подрачје | Шлезвиг-Холштајн, Хамбург |
| Округ | Зегеберг |
| Притоки | |
| - леви | Бреденбек, Амерсбек, Зазелбек, Остербек, Вандзе |
| - десни | Тарпенбек, Изебек |
| Извор | |
| - место | Хенштет-Улцбург, Шлезвиг-Холштајн |
| - координати | 53°45′49.1″N 10°0′17.4″E / 53.763639° СГШ; 10.004833° ИГД |
| Утока | Елба |
| - местоположба | Хамбург |
| - координати | 53°32′40″N 9°59′0″E / 53.54444° СГШ; 9.98333° ИГД |
| Должина | 53 км |
.jpg)
Тек уреди
Изворот на реката Алстер е мал базен во блатото Тимхаген Брок близу Хенштет-Улцбург, приближно 25 километри северно од Хамбург. Таа е 56 километри долга и има косина од 31 метар на 4 метри надморска височина. Сливот е околу 587 км².[1]
Хамбург—вториот најголем град во Германија—е главната знаменитост на реката. Со направените брани на реката, вештачките езера Аусеналстер (надворешен Алстер) и помалото Биненалстер (внатрешен Алстер) и околните паркови, служат како зона за одмор и спортување во срцето на градот.
Историја уреди
Хамбург бил основан на устието на реката Алстер во 9-от век и бил користен како пристанише. Водата била користена за поплавување на шанците околу тврдините.[1] Алстер била заградена од 1190, првично употребувана за сила во воденица. Во 1235, понатамошна брана била изградена за втора воденица, која го изменила обликот на реката да личи како езеро.
Во 15-от и XVI век, каналот Алстер бил изграден за да го поврзе Хамбург со Либек. Кабалот бил околу 8 километри долг и изграден од Алстер до реката Бесте, притока на реката Траве, кај Зилфелд. Поради потешкотиите во одржувањето вода, особено близу мочуришните области, водниот пат долг 91 километар од Хамбург до Либек бил пловен само од 1529 до 1550.[2]
Градот Хамбург се ширел долж бреговите на реката Алстер и биле направени неколку брани за да ја направат реката пловна. До XIX век, водниот сообраќај со сплавови, кои биле користен до градот Кајхуде. Сплавовите—транспортираат градежен материјал, гориво и храна—биле влечени или туркани.[1]
Економија уреди
Alster Touristik GmbH (ATG), подружница на Хамбургер Хохбан, обезбедува јавен и туристички превоз на Алстер во градот Хамбург.
Притоки уреди
- Леви
Рене, Алте Алстер, Зилбек, Амерсбек, Дроселбек, Бреденбек, Роденбек, Лобек, Зазелбек, Остербек и Вандзе (Ајлбек)
- Десни
Миленау (или Миленбах), Дикбек, Мелингбек, Зузебек, Тарпенбек и Изебек
Влијание уреди
Сливот на Алстер е важен модел за дизајнот на сливот на реката Чарлс, изграден во раниот 20 век.[3]
Реката го инспирирала композиторот роден во Хамбург Оскар Фетрас, да го компонира популарниот валцер „Mondnacht auf der Alster“ (Месечева ноќ на Алстер) http://www.youtube.com/watch?v=GwAOga6oLb0
Наводи уреди
- ↑ 1,0 1,1 1,2 Ханс Вилхелм Екхарт. Алстер во Лексикон Хамбург, стр. 24
- ↑ Ханс Вилхелм Екхарт. Канал Алстер во Лексикон Хамбург, стр. 26
- ↑ Карл Хаглунд (2003). Уредување на реката Чарлс. Кембриџ, Масачусетс: The MIT Press. ISBN 0-262-08307-8.
Литература уреди
Franklin Koplitzsch and Daniel Tilgner, уред. (2005). Hamburg Lexikon (3. изд.). Ellert&Richter. ISBN 3831901791. Отсутно или празно |title= (help)
Надворешни врски уреди
Податотеки поврзани со Alster (River) на Ризницата- Галерија на слики
- Карта на Алстер Архивирано на 28 септември 2007 г.
