Википедија

Џозеф Гордон

Џозеф Гордон Леонард- Левит,(17 февруари 1981) е американски глумец, чија кариера уште од најрана возраст, па сè до ден денес вклучува телевизиски серии, театарски остварувања, и сценски изведби.

Џозеф Гордон - Левит
Гордон-Левит на промотивната вечер за (500) Days of Summer
Роден(а)озеф Гордон Леонард - Левит
Занимањеглумец, музичар, пејач
Активен1988–сè уште

Уште како дете се појавува по реклами, а потоа и во многубројни телевизиски серии и филмови за потоа да ја добие главната улога во телевизискиот римејк на Dark Shadows и во филмското деби Beethoven. Се појави во A River Runs Through It и потоа доби главна улога во филмот од 1994 година, Angels in the Outfield, како Роџер Боман. Гордон-Левит последователно глуми во телевизиската комедија 3rd Rock from the Sun (1996-2001) како младиот Томи Соломон и имаше главна споредна улога во филмот 10 Things I Hate About You, во 1999 година.

По пауза, која ја искористи за да студира на Универзитетот „Колумбија“,Гордон-Левит ја напушти телевизијата, но како повозрасен се врати на глумата, каде се појави во различни независни филмови, како Manic во 2001 година, проследено со докажаните улоги во Mysterious Skin во 2004 година и Brick во 2005 година. Во 2009 година ја играше главната улога во филмот (500) Days of Summer, кој доби одлични филмски критики и му донесе номинација за наградата Златен Глобус за најдобар глумец во филмски мјузикл или комедија. Во 2010 година, тој глуми во филмот на Кристофер Нолан, Inception. Тој поседува онлајн продукциска компанија наречена HitRECord.

Детство и семејство

уреди

Гордон-Левит е роден во Лос Анџелес, Калифорнија, а израсна во Шерман Оукс. Потекнува од еврејско семејство. Неговиот татко, Денис Левит, тогаш беше уредник на вестите на Пацифика радио станицата, KPFK-ФМ. Неговата мајка, Џејн Гордон, се кандидираше за Конгресот на САД во Калифорнија во текот на 1970 за Партијата за мирот и слободата; се запозна со Денис Левит додека работеше како лектор на програмата во радиото. Таткото на Џејн Гордон, дедото на Гордон-Левит беше холивудски режисер меѓу 1940-1970 година, познат по режирањето на филмот Pillow Talk, со Дорис Деј и Рок Хадсон во главните улоги. Гордон-Левит имаше постар брат, Ден, кој беше фотограф и жонглер. Роден е во 1974 година и почина во октомври 2010 година.

Гордон-Левит се приклучи на музичка театарска група на четиригодишна возраст и го играше Плашилото во The Wizard of Oz. Подоцна го откри еден агент и почна да се појавува на телевизија и по реклами за Sunny Jim путер од кикирики, Cocoa Puffs, Pop-Tarts и Kinney Shoes.

Глумечка кариера

уреди

Гордон-Левит ја започна својата глумечка кариера на возраст од шест години, кога се појави во неколку телевизиски филмови во доцните 1980-ти години, 2 епизоди од сериите Family Ties и во четвртото продолжение на серијата Quantum Leap, во 5-тата епизода Permanent Wave. По главната улога во римејкот Dark Shadows како Дејвид Колинс, го направи своето филмско деби во филмот Beethoven во 1992 година. Истата година, подоцна, ја одигра младата верзија на ликот на Крег Шефер во A River Runs Through It. На 12 годишна возраст, Гордон-Левит ја играше главната улога како Грегори во филмот Switching Parents, заснован според вистинска приказна за Грегори Кингсли, момче кое успеа да добие законско право да се оддели од неговите родители. Во 1994, тој играше во комедијата Holy Matrimony и се појави во главната улога во филмот Angels in the Outfield во продукција на Дизни. Од 1993 до 1995 имаше постојана улога во комедијата Roseanne. Во 1996 година, Гордон-Левит започна да го глуми Томи Соломон во комедијата 3rd Rock from the Sun, улога која го проби на сцената и по која денес е најмногу познат. San Francisco Chronicle ја забележа случајноста дека Гордон- Левит е „еврејско дете што глуми вонземјанин кое се преправа дека е еверејско дете.“ Во 1998 беше гостин во првата сезона од That '70s Show, каде се појавува во епизодата Eric's Buddy, во улога на соученик на Ерик Форман, кој е хомосексуалец. Во текот на 1990-тите години се појави во уште неколку филмови како The Juror (1996), Sweet Jane (1998) заедно со Саманта Матис, и Шекспировата комедијата 10 Things I Hate About You (1999), каде тој и Хит Леџер ги имаа главните машки улоги. Го позајми гласот на главниот лик Џим Хокинс во анимираниот филм на Дизни, Treasure Planet (2002), научна фантастика адаптирана на Treasure Island од Роберт Луис Стивенсон.

Гордон-Левит за време на снимањето на 3rd Rock from the Sun, учеше во средното училиште Van Nuys. Во текот на 90-тите години, често се појавуваше во тинејџерски списанија, нешто што тој го презираше. За време на овој период, не уживал да биде препознаван на улица, нагласувајќи дека ја мрази славата. Како дел од екипата на 3rd Rock, Левит се појави во пет од јавните огласи на NBC, The More You Know. Во неговите огласи беа опфатени темите возење под дејство на алкохол, притисок од околината, злосторства од омраза, одењето во училиште како и превенција од насилство. За време на администрацијата на Бил Клинтон во 1996 година, се појави во годишната посебна емисија на Белата куќа, Christmas in Washington, 13-тата сезона на Celebrity Jeopardy!, The Daily Show на 18 март 1999 година и во специјалното издание Dear Santa во 2002 година.

Гордон-Левит го напушти 3rd Rock from the Sun за време на снимањето на последната сезона, за подоцна да стане лик што повремено се појавува во само половина од епизодите на сезоната. Наредните две години се откажа од глумата и студираше на Универзитетот „Колумбија“ (единствениот универзитет на кој се пријавил). Во 2000 се запиша и студираше историја, литература и француска поезија (како главни предмети) од 2001-2004 година. Со тоа што посетуваше настава на Универзитет на Колумбија стана образован и докажан франкофонист и

познавач на францускиот јазик.Тој изјави дека преселбата во Њујорк(мометално престојува во Manhattan Lower East Side) од неговиот роден град го присили да порасне како личност.Гордон-Левит се откажа од студиите во 2004 за повторно да се сконцентрира на неговата глумечка кариера.

Понатамошна работа

уреди

Гордон-Левит по враќањето на глумата, изјави дека свесно донел одлука „да биде добар во филмовите“. Од почетокот на 2000 година, настапи во серијал, опишани од Boston Herald како „потврдени и докажани инди“ филмови што го направија ѕвезда во инди филмската индустрија. Гордон-Левит се здоби со пофалби и позитивни критики за неговите настапи. Водејќи се според признанијата од критичарите и публиката, шоу бизнисот забележа дека Гордон-Левит „ги урна сите стереотипи кои постојат за младите глумци кога ќе пораснат., додека The New York Times го опиша како „еден од најзгодните млади ѕвезди во инди индустријата“. Иако редовно ги истражува улогите пред снимањето преку тоа што се поистоветува со истите во вистинскиот живот, Гордон-Левит не се етикетира како глумец со посебни методи.

Неговиот нареден филм е драмата Manic (2001), сниман во ментална институција, потоа Mysterious Skin (2004), каде глумеше хомосексуална проститутка и жртва на сексуално малтретирање, Brick (2005), модерен филм сниман во средно училиште со главна улога на Брендан Фрај, тинејџер кој е вовлечен во круговите на дрогата, а истовремено истражува убиство. Филмот доби позитивни критики од Minnesota Daily со коментарите дека Гордон-Левит го одиграл ликот „одлично“, „верно на филмскиот стил“, „без многу напор, но не и разочарувачки“ и „секси на еден необјаснив начин“. Друг критичар изјави неговата изведба е „за восхит“. Неговите улоги во Mysterious Skin и Brick ги поттикнаа Salon.com да го објаснат како „еден од најинтересните водечки артисти во независен филм, досетлив изведувач, кој истовремено е повлечен и го изразува своето мислење, кој е специјалист за глумење проблематични ликови кои се во војна со самите себе и со светот.“ Глумеше и покрај Стив Сандвос како млад мисионер со предрасуди во Latter Days (2003), филм што е сконцентриран на сексуално збунетиот Мормонист (Сандвос), кој се заљубува во својот сосед – хомосексуалец. Гордон-Левит првенствено се пријави за улогата на Сандвос, но му беше доделена улогата на Елдер Пол Рајдер поради добрата смисла за хумор и агресивноста. Во 2005 година, глумеше во тинејџерската драма Havoc како и според критиките, неуспешниот Shadowboxer, филм за смртно болниот платен убиец, игран од Хелен Мирен, која го извршува последното убиство.

Неговата следна улога е во The Lookout (30 март 2007), каде го глуми Крис Прат, хигиеничар вовлечен во грабеж на банка. The Philadelphia Inquirer го опиша Гордон-Левит како „изненадувачки, но во исто време и застрашувачки“ додека New York magazine изјавин дека тој е „’табула раза’ глумец... минималист“ и дека неговиот лик успеал само поради тоа што тој “не го зграпчува просторот... и тоа му го одзема на ликот.“ The San Francisco Chronicle нагласи дека „повеќе го доловува внтраешниот живот на ликот, “отколку што вистински го глуми.“ Неколку критичари посочија дека неговата улога во The Lookout ќе го претвори Гордон-Левит во комерцијален глумец. Филмовите од 2008, како Killshot каде игра мафијаш, партнер на платен убиец, Мики Рурк, и Stop-Loss, во режија на Кимберли Пирс, филм што зборува за американските војници кои се враќаат од војната во Ирак.

Играше главна улога покрај Зои Дешанел, во (500) Days of Summer, 2009, филм за подемите и падовите во една врска, кој доби позитивни критики. Неговата изведба опишана како „клучна“ поради која успеал филмот, се должи на неговата способност, суптилно да ја одигра улогата во повеќе нивоа. Variety на Тод МекКарти ја пофали неговата изведба со тоа што кажа дека одлично се снашол помеѓу разочарувањето и ентузијазмот на начин на којшто само Џек Лемон можеше. Питер Траверс од Rolling Stone кажа дека кога го гледате филмот ги буди најромантичните чувства во вас и дека за глумците тоа е многу повеќе од обична должност.Последователно е номиниран за наградата Златен Глобус.

Истата година се појави во Uncertainty,филм за двојка што се наоѓа меѓу две алтернативни реалности со фрлање на паричка и неговиот прв блокбастер каде го игра негативецот Cobra Commander во G.I. Joe: The Rise of Cobra,акционен филм,правен според серијалот за играчки. Во G.I. Joe, Гордон-Левит носеше маска и шминка под неа. Откако го виде уметничкиот концепт на улогата што му ја нудеа, тој ја прифати улогата, велејќи дека е можност што се добива еднаш во животот. Подоцна објасни дека овој филм за него е олеснување за разлика од потешките филмови што ги глумеше помеѓу 2007-2008 година. Филмот заработи над 300 милиони евра, но доби секакви критики, меѓу која и критиката на Стивен Вити од Newark Star – Ledger, дека филмот е “неверојатно будалест“. На 21 ноември го водеше шоуто Saturday Night Live.

Во 2010 година, Гордон-Левит глуми покрај Леонардо ди Каприо во научната фантастика на Кристофер Нолан, Inception, како замена за Џејмс Франко, во улогата на Артур, кој е „клучен човек“, партнерот на Дом Коб (ди Каприо) и личноста одговорна за истражување на метите на тимот. Inception доби одлични критики и се задржа 3 последователни недели на американскиот „бокс офис“ и заработи преку 800 милиони долари и со тоа стана неговиот најуспешен филм досега. Други филмови во 2010 година се Hesher, драма со Натали Портман, каде го игра главниот лик кој станува ментор и мачител на младо момче, Live with It, покрај Сет Роген и Ана Кендрик, драма за борбата на еден човек со ракот, Premium Rush, каде Гордон-Левит глуми гласник на велосипед, бркан од валкан полицаец за информации. За време на снимањето, удрил во задниот дел на такси додека возел велосипед; за повредата биле потребни 31 конец. Исто така ќе ја игра младата верзија на Брус Вилис во временскиот трилер Looper.

Сцена

Во 2001 година, Гордон-Левит го направи своето театарско деби во драмата на Остин Пенделтон, Uncle Bob покрај Џорџ Морфоген во театарот во Сохо.

Гордон-Левит беше еден од продуцентите на Бродвејското шоу Slava’s Snowshow, работа која ја делеше со повеќемина, меѓу кои и со Џеред Гелер, кој беше сценски менаџер за време на продукцијата на Uncle Bob. Во 2009 беше номиниран за наградата Tony за најдобар театарски настан.

Други проекти
уреди

Споредниот проект на Гордон-Левит , „hitRECord.org“, е онлајн продукциска компанија.Мрежната страница на компанијата гласи: „ние создаваме уметност и медија тука на самата страна; ја користиме мојата позиција во традиционалната забавна индустрија за да ја претвориме таа креативност во продукции кои ќе прават пари; и потоа стекнатиот профит го делиме со уметниците кои придонесуваат за тоа.“ Гордон-Левит е сопственик на страната од 2004 година откако произведе 6 видеа и кратки филмови. Со почетокот на 2009 година ја направи достапна и за филмови од други артисти. За Salon изјави дека со страната има можност да биде што е можно покреативен и повремено да „откачува“. Оттогаш страната се прошири со повеќе од 10000 учесници кои соработуваат во правењето песни, слики, приказни и кратки филмови. Според еден прилог во Details magazine, Гордон – Левит ја надгледува страната преку мрежни компјутери од неговото домашно студио.

Првиот филм на Гордон – Левит како режисер, 24 минутниот Sparks, адаптација на расказот од Елмор Леонард, беше избран како дел од новата програма за кратки филмови на Sundance Film Festival. Во август 2010 година, Гордон-Левит режираше уште еден краток филм со наслов Morgan and Destiny's Eleventeeth Date: The Zeppelin Zoo, каде што и самиот тој глумеше покрај колегата од G.I. Joe, Чанинг Тејтум. Имаше две премиери за време на South by Southwest Фестивал во Остин, Тексас.

Тој е член на одборот на доверители на „Sundance Institute“ основан од страна на Роберт Редфорд.

Гордон-Левит според GQ списанието за мажи, за 2010 година е ѕвезда на годината.

Надворешни врски

уреди
Преземено од „https://mk.wikipedia.org/w/index.php?title=Џозеф_Гордон&oldid=5015057“