Љубичица

Љубичица
Viola reichenbachiana
Научна класификација
Царство:	Plantae
Нерангирано:	Angiosperms
Нерангирано:	Eudicots
Нерангирано:	Rosids
Ред:	Malpighiales
Семејство:	Violaceae
Потсемејство:	Violoideae
Племе:	Violeae
Род:	Viola L.

Љубичица (Viola) е род од истоимената фамилија Violaceae. Опфаќа околу 525 и 600 видови, кои главно се распопедени во северните умерени области на Земјата (северната Земјина полултопка). Могже да се најде и на оддалечени места, како што се Хаваи, Австралија и Андите во Јужна Америка. Љубичиците се повеќегодишни зелјести билки, со цветови со интересна градба и боја, поради што многу видови се одгледуваат како украсни. Името на родот укажува на тоа дека најчеста боја на листовите на цветот е виолетова.

Опис

Тробојна љубичица

Видовите на љубичиците обично имаат лисја во форма на срце, а постојат и видови со сложени, или со лисја со друга форма. Повеќе видови на љубичици се зелјести билки. Лисјето се наизменични.

Цветовите се зигоморфни. Чашките се петолисни, по цветањето не паѓаат. Нивните лисја се издолжено зашилени. Двата долни лисја се подолги од останатите. Круната е со пет слободни лисја. Врвовите на лисјата се нешто поголеми од средните со иста боја, но, нешто потемни без влакненца во основата. Средните ги покриваат врвовите и при долниот дел имаат влакненца. Долниот дел обично е со друга боја од останатите. Има пет прашници, толчник синкарпан од три ливчиња.

Цветањето на љубичицата најчесто е во пролет и привлекува многу инсекти, главно мравки. Боите на цветовите се разликуваат од виолетова, до разни нијанси на сини, жолти, а ги има и во бела боја.