Јоанис Терзис

Иванчо Терзиовски (грчки: Ιωάννης Τερζής, Јоанис Терзис) — македонски револуционер, деец на ВМОРО, подоцна преминал на страната на грчката вооружена пропаганда во Македонија.

Животопис

Иванчо Терзиовски е роден во Костурско село Косинец, тогаш во Османлиското Царство, денес Јеропиги, Грција. Се вклучува во четите на ВМОРО. Подоцна се приклучи на грчката вооружена пропаганда против ВМОРО и станува четник на Јоргос Цондос (капетан Вардас). Учествува во борба со Османлиите во Корештата. Подоцна со друг ренегат Герго Количев се обидува да организира грчки комитет во Крчишча. По 1906 година предводи сопствена чета со која тероризира егзархиските села. На 3 јули 1907 година неговата четата, заедно со оние на Јоргос Томбрас (капетан Рупакјас) и Николаос Платанијас (капетан Лахтарас), разврзуваат борба на четата на Атанас Кршаков во која организацискиот војвода загинува. Потоа соработува со Павле Илиев и Јоргос Диконимос до Младотурската револуција во 1908 година .